سەردێر

پۆلیس وردەكاری كوژرانی كاسبكارێك لەناو عەلوەكە ئاشكرادەكات

خەڵك-
بەڕێوەبەرایەتی پۆلیسی گەرمیان ئاشكرای دەكات، كە لە عەلوەی كەلار كاسبكارێك بەچەقۆ كوژراوە.

مقەدەم عەلی جەمال قدووری، وتەبێژی پۆلیسی گەرمیان لە ڕاگەیەنراوێكدا ئاماژەی بەوەكردووە، نیوەڕۆی ئەمڕۆ چوار شەممە 8ی ئەیلوول، دوو كاسبكار لەنێو عەلوەی كەلار دەبێت بەشەڕیان و یەكێكیان بەچەقۆ لەبەرامبەرەكەی دەدات و بەسەختی برینداری دەكات.

ئاشكراشی كردووە، دوای گەیاندنی بریندارەكە بەبەشی فریاكەوتنی شەهید هەژار لەكەلار بەهۆی سەختی برینەكەیەوە گیانی لەدەستدا.

وتەبێژەكەی پۆلیس دەشڵێت: “ئەو گەنجەی گیانی لەدەستداوە بەناوی (هاوكار محمد امین ) لەدایكبووی 1996 دانیشتووی گەڕەكی (شەهیدان)ی كەلارە و تۆمەتباریش بەناوی ( ع – ص – ن ) لەدایكبووی 2003 دانشتووی كەلار (سەركەوتن) لەئێستادا بەبڕیاری دادوەر و بەپێی مادەی 405 بەندكراوە”.