سەردێر

شارەوانی هەولێر پڕۆژەیەكی نوێ‌ ڕادەگەیەنێت

خەڵك

لە لایەن شارەوانی هەولێرەوە پڕۆژەی پاككردنەوە و شۆردنی گەڕەكەكانی شارەكە ڕاگەیەندرا.

ئەمڕۆ چوارشەممە سەرۆكایەتیی شارەوانیی هەولێر لە ڕاگەیاندراوێكدا بڵاویكردەوە،”وێڕای كۆكردنەوەی زیاتر لە دوو هەزار تۆن زبڵ و خاشاكی ڕۆژانە و پاككردنەوەی تەواوی شەقام و كۆڵانەكانی هەولێر، لەم پڕۆژە نوێیەدا ئامانجمانە گەڕەك و كۆڵانەكان پاكتر بن، بۆیە لە ڕێگەی تیمەكانمان ھەڵمەتی خاوێنڕاگرتن و پاككردنەوەی گەڕەكەكانی هەولێرمان ڕاگەیاندووە”.

ئاماژە بەئەوەشكراوە، “تیمەكانی سەرۆكایەتیی شارەوانیی هەولێر ڕۆژانە شەقام، بازاڕ، كووچە و كۆڵانەكان لە زبڵ و خاشاك پاك دەكەنەوە، جگە لە هەڵگرتنەوەی زبڵی ڕۆژانە و سیستەمی 24 كاتژمێریی هەڵگرتنەوەی زبڵ و خاشاك، بەڵام ئەوەندە بەس نییە بۆ دابینكردنی ژینگەیەكی پاك بۆ هاووڵاتییان، بەڵكوو ئامانجمانە پارێزگاری لە ژینگەی هەولێر بكەین و خزمەتی زیاتر پێشكەشی هاووڵاتییان بكەین”.