سەردێر

پەروەردەی عێراق دەستپێكی ساڵی خوێندنی دیاریكرد

خەڵك-
وەزارەتی پەروەردەی عێراق دەستپێكی ساڵی نوێی خوێندنی دیاریكرد، بەڵام خوێندنی ناو پۆلی خستە دوای بەڕێوەچوونی هەڵبژاردنەكان.

بەپێی گشتاندنێكی وەزارەتی پەروەردەی عێراق، كە بۆ سەرجەم پارێگاكانی ناردووە (جگە لە هەرێمی كوردستان) بڕیار دراوە لە 12ی ئەم مانگە مامۆستایان و پەروەردەكاران و كارمەندانی كەرتی پەروەردەیی بۆ ساڵی نوێی خوێندنی 2021- 2022 دەستبەكارببنەوە.

لە چەند ڕۆژی ڕابردوودا هەردوو وەزارەتی پەروەردە و خوێندنی باڵای عێراق بڕیاریاندا دەستپێكی خوێندنی ناوپۆل بخرێتە دوای بەڕێوەچوونی هەڵبژاردنەكان لە 10-10-2021دا.

ئەمە لەكاتێكدایە، كە وەزارەتی پەروەردەی هەرێم دەستبەكاربوونەوەی مامۆستایانی لە 1ی ئەیلول دیاری كرد و دەستپێكردنەوەی پڕۆسەی خوێندنیشی خستە 14ی ئەم مانگە.