سەردێر

عیراق و كۆریای باشوور یەكسان بوون

خەڵك-
لە چوارچێوەی دوا یارییەكانی پاڵاوتنی جامی جیهانی دەوحە 2022، هەردوو هەڵبژاردەی عیراق و كۆریای باشوور یەكسان بوون.

نیوەڕۆی ئەمڕۆ پێنج شەممە، لە یاریگای سيئولی پایتەختی كۆریای باشوور، هەردوو هەڵبژاردەی عیراق و كۆریای باشوور بە یەك گەیشتن و لە كۆتاییدا یارییەكە بەبێ‌ گۆڵ و بە یەكسان بوون تەواو بوو.

ئەم یارییە سەبارەت بە هەڵبژاردەی عیراق، بە یەكەم یاریی دادەنرێت كە لەژێر سەركردایەتی دیك ئەدڤۆكاتی هۆڵەندی بەڕێوەدەچێت و بە ئەنجامێكی ئەرێنیش بۆ شێرەكانی ڕافیدەین دادەنرێت، بەو پێیەی یاریی داهاتوو لە یاریگاكانی قەتەر بەڕێوەدەچێت كە بە یاریگای هەڵبژاردەی عیراق دادەنرێت.

یارییەكەی ئەمڕۆ سەبارەت بە هەردوو هەڵبژاردە بە یارییەكی گرنگ دادەنرا، بەو پێیەی دەستپێكی دوا یارییەكانی پاڵاوتنی مۆندیالە، لە یاریی دووەمیشدا كە وابڕیارە لە 7ی ئەم مانگە بەڕێوەبچێت، شێرەكانی ڕافیدەین ڕووبەڕووی هەڵبژاردەی ئێران دەبنەوە.