سەردێر

بەرپرسی پێشووی مۆساد: دەبێت لە پاشەكشەكردنی ئەمریكا لە عیراق بترسین

خەڵك-
یوسی كۆهین، بەرپرسی پێشووی مۆسادی ئیسرائیل دەڵێت، دوای ئەوەی ئەفغانستان كەوتە ژێر دەستی تاڵیبان، پێویستە ئیسرائیل لە پاشەكشەكردنی ئەمریكا لە عیراق بترسێت، لەگەڵ زیادبوونی هەژمووی ئێرانی لە وڵاتەكە.

لە وتارێكیدا كە لە ڕۆژنامەی “یەدیعوت ئەحرەنوت”ی ئیسرائیلی بڵاوكرایەوە، كۆهین پێیوایە”پاشەكشەكردنی ئەمریكا لە ئەفغانستان، پێویستە بیرۆكە و مەترسییەكی ڕاستەقینەمان لادروست بكات، سەبارەت بە ئەگەری پاشەكشەكردنێكی تر، لەمجارەشدا لە عیراق”.
بە بۆچوونی كۆهین”ئاكامە خراپەكی پاشەكشەكردنێكی بەپەلە و بەرنامەبۆدانەڕێژراو، بەبێ‌ ئامادەییەكی پێویست، ڕەنگە ببێتە مایەی زیادبوونی بوونی سەربازیی توندڕەو و سیاسەتی ئێرانی لە نێوخۆی عیراق، شەڕی بەردەوامی ئێرانیش لە بەشی باكووری خۆرهەڵاتی ناوەڕاست، لەگەڵ ئانوساتی ئەگەری پاشەكشەكردنی ئەمریكا و دیمەنە تۆقێنەرەكان لە ئەفغانستان و دەستبەسەرداگرتنی خێرای وڵاتەكە لەلایەن تاڵیبانەوە، دەبێت ئامادەكاریی بۆ ئەگەریی هاتنەبەری مەترسییەكی ئەمریكایی هاوشێوە بكرێت لە عیراق كە دەبێتە مایەی داڕمانی بەشێكی سەرەكی لە خۆرهەڵاتی ناوەڕاست كە خۆی لەخۆیدا فشەڵ و لەرزۆكە”.

بەرپرسی پێشووی دەزگای هەواڵگری ئیسرائیل “مۆساد” وایدەبنێت”ئێران بۆ ساتێك ڕانەوەستاوە لە خستنەگەڕی هەوڵەكانی لەپێناو چەسپاندنی پێگەی سەربازیی خۆی لە ناوچەكەمان. لە لوبنان هێزی پتەوبووە و حزبوڵڵای پڕچەككردووە. لە سوریا پارێزگاریی لە ئامادەیی چالاكی پاسداران كردووە و یاریدەدەرە بۆ هاوردنی ئامرازەكانی شەڕكردنبۆ دەوڵەت كە هاوشانە لەگەڵ پشەسازیی خۆیی. بوونی ئێران لە عیراقدا پڕمەترسی و نیگەرانبەخشە، پشت بە دوو كۆڵەكە دەبەستێت” حەشدی شەعبی، و هێزی قودس”.
بە بۆچوونی كۆهین”بڕیارەكەی جۆ بادین سەرۆكی ئەمریكا بۆ پاشەكشەكردن لە ئەفغانستان، هاوشان بوو لەگەڵ مەترسییەكی تر خۆی لە هەوڵی دەستپێكردنەوەی پەیوەندی زلهێزەكاندا دەبینێتەوە لەگەڵ ئێران بۆ گەیشتن بە ڕێكەوتنێكی ئەتۆمی نوێ‌”.
یوسی كۆهین دەڵێت”لەنێوان پاشەكشەكردن و دەرچوون بەبێ‌ سەوداكردن لەلایەن ویلایەتە یەكگرتووەكان، بۆ پەیوەندی لەگەڵ ئێران سەبارەت بە ڕێكەوتنی ئەتۆمی، ئیسرائیل كەوتۆتە نێوان دووڕێیانێكی چارەنوسساز. هەردوو ڕووداوەكە دراماتیكین و كاریگەرییان لەسەر پەیوەندییە نێودەوڵەییەكان هخەیە لەگەڵ لایەنە بەهێزەكان لە خۆرهەڵاتی ناوەڕاست، ڕوسیا و ئەوروپا و بەشێوەیەكی سەرەكیش ویلایەتە یەكگرتووەكان”.