سەردێر

سلێمانی.. ئاماری مانگی ئابی لیژنەی سەرتاشخانەكان بڵاوكرایەوە

تەنها شەش پسوڵەی سەرپێچی هەبووە

خەڵك
لیژنەی سەرتاشخانەكانی قائیمقامیەتی سلێمانی ئاماری كاروچالاكی مانگی رابردوی خۆی بڵاودەكاتەوە كە زۆرترین سەردانی ئەنجام داوە و تەنها شەش‌ پسوڵەی سەرپێچی تۆماركردوە.

ئەمڕۆ سێشەممە (31ـی ئابی 2021) لیژنەی سەرتاشخانەكانی سەر بە لیژنە هاوبەشەكانی قائیمقامیەتی سلێمانی ڕاپۆرتی مانگانەی خۆی بڵاوكردەوە كە تیایدا هاتووە، لە ئەنجامی سەردانە بەردەوامەكانی لیژنەكە بۆ پشكنینی سەرتاشخانەكان لەڕوی پابەندبون بەمەرجەكانی تەندروستی و جێبەجێكردنی رێنماییەكانی دیكەی كاركردن، لە مانگی رابردودا (330) سەرتاشخانە بەسەر كراونەتەوە، لەكۆی ئەو ژمارەیە تەنها شەش پسوڵەی سەرپێچی تۆماركراوە.

راپۆرتەكە ئاماژەی بۆ ئەوەكردووە، لەمانگی رابردودا لیژنەی سەرتاشخانەی قائیمقامیەت‌ (46) پسوڵەی ئاگاداركردنەوەی بۆ سەرتاشخانەكان كردوە كە پابەندی مەرجەكانی كاركردن بن، بەپێچەوانەوە رووبەڕووی رێكاری یاسایی دەكرێنەوە، ئەو مەوادانەی بەهۆی خراپبون و بەسەرچونییەوە لیژنەكە دەستی بەسەرداگرتوە بریتییە لە (96) جێڵی قژ و (48) شفرە لەگەڵ چوار شەمع.

ئەوەشی روونكردووەتەوە‌، لە مانگی رابردودا زۆرترین سەردانیان ئەنجام داوە و كەمترین سەرپێچییان تۆماركردوە، بەشێكی زۆری سەرتاشخانەكان پابەندن بە مەرج و رێنماییەكانی كاركردنن هەربۆیە (29) سەرتاشخانە لەلایەن لیژنەكەوە سوپاسیان ئاراستە كراوە.