سەردێر

ئاسایشی رۆژئاوایی سلێمانی؛ دوو كەس بەتۆمەتی قۆڵبڕین و هەڵخەڵەتاندن دەستگیركران

خەڵك
بەڕێوەبەرایەتی ئاسایشی ڕۆژئاوای سلێمانی ڕایدەگەیەنێت، لەلایەن هێزەكانیانەوە لەسەر بنەمای كۆكردنەوەی زانیاری ورد لەسەر دوو كەس دەستگیركران، كە دانیشتوی چەمچەماڵ و سلێمانین و هەستاون بەفێڵكردن لە هاووڵاًتیەكی دانیشتوی بەغدا .

بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێكدا بڵاویكردەوە، لەسەر بنەمای كۆكردنەوەی زانیاری ورد لەسەر دوو كەس بەناوەكانی (ڕ ، ب ، ص) دانیشتوی چەمچەماڵ (ف ، ق ، م ) دانیشتوی سلێمانی، كەهەستاون بەفێڵكردن لەكەسێك بەناوی (ع ، خ ، ع) دانیشتوی بەغدا، كە بەشێوەی ئۆنلاین مامەڵەیان لەگەڵ كردوە بۆ كڕینی (٩) تەولیدی كارەبا، پاش گەیشتنی تەولیدەكان لەبەغدادەوە بە سلێمانی لە چەمچەماڵ شەش دانەیان ڕاگرتووە.
ئاماژە بۆ ئەوەشكراوە، كە لەلایەن تۆمەتبار (ڕ ، ب ، ص) گوازراوەتەوە بۆ باخێك لەسنوری شارەدێی شۆڕش كە خاوەنداریەتەكەی بۆ خۆی دەگەڕێتەوە، سێ تەولیدەكەی دیكەشیان ناردوە بۆ سلێمانی كەلەئێستادا نادیارە پاشان ژمارەی تەلەفۆنەكانیان داخستوەو پارەیان نەداوە بەفرۆشیارەكە .

لە ڕاگەیەنراوەكەدا هاتووە، پاش تۆماركردنی سكاڵای یاسایی و وەرگرتنی ڕەزامەندی دادوەری دادگای لێكۆڵینەوە هەردوو تۆمەتبارەكە لەلایەن هێزەكانیانەوە دەستگیركران و دەستگیرا بەسەر شەش تەولیدەكەی شارەدێی شۆڕش و ئۆتۆمبێلەكانیاندا و لەئێستادا تۆمەتبارەكان بە ماددەی (٤٥٦) لەیاسای سزادانی عێراقی بەبڕیاری دادگای لێكۆڵینەوە ڕاگیراون و لێكۆڵینەوە بەردەوامە.

‎May be an image of ‎‏ده‌ره‌وه‌‏ و ‏درەخت‏‎‎