سەردێر

بەرپرسێكی حكومی بەهۆی كۆرۆناوە گیانی لەدەستدا

خەڵك-
فەیسەڵ حسێن، بەڕێوەبەری ناحیەی قەسرێی سەر بە قەزای چۆمان لە تەمەنی 45 ساڵی بەهۆی تووشبوونی بە ڤایرۆسی كۆرۆنا، گیانی لە دەستدا.

ئومێد خۆشناو، پارێزگاری هەولێر لە پرسەنامەیەكدا كە لەسەر تۆڕە كۆمەڵایەتییەكان بڵاویكردەوە ڕایگەیاندووە”بەدڵگرانیەكی زۆرەوە هەواڵی كۆچی دوایی مافپەرورە فەیسەڵ حوسێن عەوڵا، بەڕێوەبەری ناحیەی قەسرێی سەر بەقەزای چۆمانی سنوری پارێزگای ھەولێر-مان پێگەیشت، كە بەداخەوە بەھۆی ڤایرۆسی كۆڕۆنا كۆچی دوایكرد”.

بەپێی زانیارییەكان، فەیسەڵ حسێن لە دایكبوی ساڵی 1976ی چۆمانە و بڕوانامەی یاسای لە زانكۆی سەڵاحەدین بەدەستهێناوە و ساڵی 2006 بۆتە سەرۆكی شارەوانی چۆمان، ساڵی 2015 بوەتە بەڕێوەبەری ناحیەی سمێلان و ساڵی 2020یش گوازراوەتەوە بۆ ناحیەی قەسرێ

ئەو بەرپرسە حكومییە، ماوەی نۆ رۆژ بوو تووشی پەتای كۆرۆنا بوو، ڕەوشی تەندروستی زۆر خراپ بوو، هەر بەو هۆیەوە ئەمڕۆ پێنج شەممە 26ی ئابی 2021 كۆچی دوایی كرد.