سەردێر

سائیرون: هەر كەشتییەك بێ‌ ڕەوتی سەدر بكەوێتەڕێ‌ نوقم دەبێت

 

خەڵك-

پەرلەمانتارێكی هاوپەیمانی سائیرون دەڵێت، ڕەوتی سەدر بەشداریی لە هەڵبژاردنێكی سیاسیدا ناكات كە ئەنجام و دەرهاویشتەكانی نەزۆك و شكستخواردووبن.

جەواد موسەوی، پەرلەمانتاری هاوپەیمانی سائیرون لە لێدوانێكی ڕۆژنامەوانیدا ڕایگەیاند”بەشداریی لە هەڵبژاردنیبَكدا ناكەین كە ئەنجام و دەرهاویشتەكانی نەزۆك و شكستخواردووبن وەك واقیعی ئێستا و ئایندە، هەر كەشتییەكیش بەبێ‌ ڕەوتی سەدر بەڕێبخرێت نوقم دەبێت”، داواكارییەكانی ڕەوتەكەشی بە داواكاریی چاكسازیی وەسفكرد.

بە وتەی موسەوی”دەبێت دەستكاریی هەندێك لە بەندەكانی دەستور بكرێت و نوێ‌ بكرێنەوە لە دوای تیبَپەڕینی 15 بەسەر نوسینەوەیان، بۆ نمونە بڕگەی كەمكردنەوەی ژمارەی پەرلەمانتاران بۆ 200 پەرلەمانتار و هەموو كورسییەك 200 هەزار دەنگی بوێت، یان گۆڕانكاریی لە یاسای هەڵبژارندا بكرێت و گفتووگۆ لەسەر هەندێك ئەركی چاودێری پەرلەمان بكرێت و لایەنی یاسادانان فراوانب بكرێت و رۆڵی چاودێری و دادوەریش زیاتر بكرێت”.

ئەو پەرلەمانتارەی سائیرون بەپێویستی زانی، هەموو هێزە سیاسییەكانی ئێستا لەبری ئەوەى ئپاشەكشەكردنی ڕەوتی سەدر بقۆزنەوە كە هەندێكیان پێيان خۆشە و دەیانەوێت لەسەر ئەو هەڵوێستە لە گۆڕەپانی سیاسیدا بمێننەوە، كار بۆ دامەزراندنی پرۆسەیەكی سیاسی نوێ‌ و بێخەوش بكەن كە خزمەت بە گەلی عیراق بكات و خواستەكانی گەل بهێنێتەدی.