سەردێر

لقی سلێمانی سەندیكای ڕۆژنامەنووسان 10 كورسی ماستەر و دكتۆرا بەخۆڕایی بۆ ئەندامانی دابین دەكات

خەڵك

سكرتێری لقی سلێمانی سەندیكای ڕۆژنامەنووسانی كوردستان ڕایدەگەیەنێت: توانی 10 كورسی خوێندنی ماستەر و دكتۆرا بۆ ئەندامانی دابین بكات.
كاروان ئەنوەر سكرتێری لقی سلێمانی سەندیكای ڕۆژنامەنووسانی كوردستان لە ڕاگەیەنراوێكدا ڕایگەیاند،”بە ڕێككەوتنی نێوان دەزگای جام كوردی و لقی سلێمانی سەندیكای ڕۆژنامەنووسانی كوردستان و پاش ڕەزامەندی وەزارەتی خوێندنی باڵای كۆماری ئیسلامی ئێران و دەزگا بەرپرسەكان، توانرا ڕەزامەندی 10 كورسی خوێندنی باڵا وەربگرین بۆ ئەندامانی لقەكەمان بە پێی ئەو مەرج و پرنسیپانەی كە دانراون لە زانكۆكانی ئێران”.

 

دەقی ڕاگەیەنراوەكە:

لقی سلێمانی سەندیكای ڕۆژنامەنووسانی كوردستان توانی 10 كورسی خوێندنی ماستەرو دكتۆرا بۆ ئەندامانی دابین بكات

بە ڕێككەوتنی نێوان دەزگای جام كوردی و لقی سلێمانی سەندیكای ڕۆژنامەنووسانی كوردستان و پاش ڕەزامەندی وەزارەتی خوێندنی باڵای كۆماری ئیسلامی ئێران و دەزگا بەرپرسەكان، توانرا ڕەزامەندی 10 كورسی خوێندنی باڵا وەربگرین بۆ ئەندامانی لقەكەمان بە پێی ئەو مەرج و پرنسیپانەی كە دانراون لە زانكۆكانی ئێران.

ئەم كورسیانە بێ بەرامبەرن و خوێندكاران لەسەر حسابی كۆماری ئیسلامی خوێندنەكەیان تەواو دەكەن

مەرجە نمرەی وەرگیراو سەروو ۸۰ نمرە بێت

تەمەن بۆ ماستەر 26 ساڵ بێت

تەمەن بۆ دكتۆرا ۳۲ساڵ بێت

بۆ بەدەستهێنانی یەك لەو كورسیانە كە بێ بەرامبەرن مەرجە داواكار ئەندام بێت لە لقی سلێمانیداو مەرجی نمرەو تەمەن و پسپۆڕیەكانی كێشەدار نەبن.

ئەم 10 دە كورسیە پسپۆڕیەكانی پزیشكی و زمانە بیانیەكانی تێدا نیە.

بۆ ئەو ئەندامانەی مەرجەكانیان تێدایەو بۆ شێوازی دەستپێكردن و ناردنی پێداویستیەكان پەیوەندیی بكەن بە ژمارە مۆبایل:

07501132755

بەیانیان 10 تا 2 دووی پاشنیوەڕۆ.

ئەم ژمارە هیچ تۆڕێكی پەیوەندیی تری لەسەر نەكراوەتەوە.

لەگەڵ رێزو هیوای سەركەوتن بۆ ئەندامانی لقمان و داواكاریەكانیان

كاروان ئەنوەر
سكرتێری لقی سلێمانی
سەندیكای رۆژنامەنووسانی كوردستان
17/8/2021