سەردێر

حكومەتی هەرێم مینحەی مانگانەی توێژێك دابەش دەكات

خەڵك-
حكومەتی هەرێمی كوردستان، مینحەی مانگانەی زیندانییە سیاسییەكان دابەش دەكات و چەند خاڵكیش دیاریی دەكات بۆ ئەو كەسانەی كە مینحەكە دیانگرێتەوە.
ئەمڕۆ پێنجشەمە وەزارەتی شەهیدان و ئەنفالكراوان لیستی ناوی 145 زیندانی و گیراوی سیاسی بڵاوكردەوە و كە واژۆی عەبدوڵڵای حاجی مەحمود وەزیری كاروباری شەهیدانی لەسەرە.

بەپێی نوسراوەكەش “دوا بەدوای فەرمانمان ژمارە (757) لە رێكەوتی 12/8/2021 تایبەت بە خەرجكردنی منحەی (145) زیندانیكراو و گیراوی سیاسی وەك قۆناغی سێیەم، ئەو بەرێزانەی رێكارەكانی بایۆمەتری و بەڵێنامەی دادنووسیان تەواوكردووە لە كاتی ڕاگەیاندنی خشتەی مووچەی وەزارەتی كاروباری شەهیدان و ئەنفالكراوان سەردانی بانكی بێخاڵ بكەن لە هەولێر بە مەبەستی وەرگرتنی منحەی مانگی ئایار و حوزەیرانی 2021.

وەزارەتی شەهیدان و ئەنقالكراوان، بەپێویستی دەزانێت، ڕەچاوی ئەم خاڵانە بكرێت كە بریتین لە:-
1- ئەو بەرێزانەی كە ڕێكارەكانی بایۆمەتری و بەڵێننامەیان تەواو نەكردووە، دوای تەواو كردنی سەردانی بانكی ناوبراو بكەن.
2-ئەو زیندانیانەی كۆچی دواییانكردووە وارسەكانیان ڕێكارەكانی بەرێوەبەرایەتی كاروباری زیندانییە سیاسییەكان تایبەت بە یاسای خانەنشینی بەركار تەواو بكەن دواتر سەردانی بانكی ناوبراو بكەن بۆ وەرگرتنی منحەكەیان.