سەردێر

وەزارەتێكی حكومەتی عێراق دامەزراندن دەستپێدەكاتەوە

خەڵك-
وەزارەتی كار و كاروباری كۆمەڵایەتی پلانی خۆی بۆ دامەزراندنی هەزار توێژەری كۆمەڵایەتی ڕادەگەیەنێت و جەختیشدەكاتەوە، كە دامەزراندنەكە بەپێی شوێنی جوگرافی و پارێزگاكان دەبێت.

هودا سەجاد، سەرۆكی دەستەی پاراستنی كۆمەڵایەتی لە وەزارەتی كار بۆ ئاژانسی فەرمی (العراقیە) ئاماژەی بەوەكردووە، تا ئێستا 26 هەزار دەرچوو داواكاری پێشكەش كردووە بۆ پڕكردنەوەی (1000) هەزار پلەی وەزیفی توێژەری كۆمەڵایەتی.

ڕاشیگەیاندووە، دەستەكەیان پلانێكی گشتگیری داناوە بۆ دابەشكردنی ئەو توێژەرانەی دادەمەزرێن لەنێوان پارێزگاكان، چونكە ئامانج لە دامەزراندنی ئەو توێژەرانە بۆ پاڵپشتی كردنی لیژنە لاوەكییەكانە لە شارۆچكە و شارەدێیەكان بۆ ئاسانكاری لە گەیشتن بە سوودمەندانی تۆڕی پاراستنی كۆمەڵایەتی و خێراكردنی توێژینەوەی تایبەت بە داتای ساڵانە.

ئاماژەی بەوەشكردووە، پلانی ڕەزامەندی بۆ پێشكەشكاران ئەوەیە، كە دەستە هەڵدەستێت بە جیاكردنەوەی ڕەزامەندییەكان لەگەڵ پاڵپشتی كرد بۆ كەسوكاری شەهیدان بەڕێژەی 15% و ئەوانەی كەمئەندامییان هەیە بەڕێژەی 5% بۆ دامەزراندن.

جەختیشی كردۆتەوە، دەبێت پێشكەشكارانی دامەزراندن سەرجەم بەڵگەنامە فەرمییەكان پێشكەش بكەن لەگەڵ پاڵپشتی دامەزراوەی شەهیدان بۆ كەسوكاری شەهیدان و ڕاپۆرتی لیژنەی پزیشكی بۆ ڕێژەی كەمئەندامی ئەوانەی كەمئەندامن.

سەبارەت بە پێوەرەكانی دامەزراندن هودا سەجاد وتویەتی، “تێكڕای نمرە و ساڵی دەرچوون و باری كۆمەلایەتی و ژمارەی منداڵ و دەرچوووی بەیانی و ئێواران و هەروەها دەرچووی حكومی و ئەهلی بە خاڵ هەژمار دەكرێن”.

ئەم بڕیارەی وەزارەتی كاری حكومەتی عێراقی، سەرجەم دەرچووانی (توێژەری كۆمەڵایەتی) لە كەركوك و خانەقین و ناوچە كوردستانییەكانی دیكە دەگرێتەوە و گەنجانی كورد دەتوانن دابمەزرێن.