سەردێر

ئاسایش باندێكی دزینی ئۆتۆمبێل دەستگیردەكات

خەڵك-
بەڕێوەبەرایەتی ئاسایشی گەرمیان، دەستگیركردنی ئۆتۆمبێل ڕادەگەیەنێت و دەڵێت، دوای ئەوەی 5ی ئاب ئۆتۆمبیلێكی جۆری توێۆتا هایلۆكس لەكانی شەیتان دزرا، ئەمڕۆ دوو كەس لەسەر روداوەكە دەستگیركران كە ویستبویان لەناوچەكانی دەرەوەی هەرێم ئۆتۆمبێلەكە ساغ بكەنەوە.

عوسمان عەبدولكەریم، لێپرسراوی راگەیاندنی ئاسایشی گەرمیان لەو بارەیەوە بەڕۆژنامەوانانی ڕاگەیاند”شەوی پێنج لەسەر شەشی ئەم مانگە ھێزەكانی ئاسایشی گەرمیان ئاگاداركرانەوە كە ئۆتۆمبێلی ھاوڵاتییەك لە كانی شەیتان دزراوە و دوای لێكۆڵینەوە تۆمەتبارەكان لە بازگەی سماق لە ناوچەی سەنگاو دەستگیر كران”.
بە وتەی ، لێپرسراوی راگەیاندنی ئاسایشی گەرمیان “تۆمەتبارەكان پێكهاتوون لە دوو كەس، هەروەها فەرمانی دەستگیركردن بۆ كەسێكی دیكەش دەرچوە كە هاوكاریان بووە لە دزییەكەدا”.

عوسمان عەبدولكەریم، لێپرسراوی ڕاگەیاندنی ئاسایشی گەرمیان دەڵێت”هەردوو تۆمەتبارەكە بەپێی ماددەی 446 ی یاسای سزادانی عێراقی دەستگیركراون، كەسی سێیەمیش كە ئۆتۆمبێلەكەیان لە ماڵەكەیدا شاردۆتەوە، دەستگیر دەكرێت”.