سەردێر

گەشتی حەج و عومرە لە چەند وڵاتێك قەدەغە كرا

خەڵك-

سعودیە ئەنجامدانی گەشتی حەج و عومرەی لە چەند وڵاتێك قەدەغە كرد.

ڕۆژنامەی (القدس العربی)ی چاپی لەندەن بڵاویكردەوە، سەرۆكایەتی كاروباری ئایینی توركیا لە ڕاگەیەنراوێكدا ئاماژە بۆ ئەوە دەكات وەزارەتی حەج و عومەرەی سعودیە ڕاگەیەنراوێكی سەبارەت بە ئەنجامدانی حەج و عومرە بلاوكردەو وتیایدا چەندین وڵاتی لەو گەشتە ئاینییە بێ بەش كرد,
ئاشكراشیكردووە، مەرجی ئەنجامدانی گەشتی حەج و عومرە و سەردانیكردنی مزگەوتەكانی حەرام و پێغەمبەر وەرگرتنی ڤاكسینی كۆرۆنایە.
سەرۆكایەتی كاروباری ئایینی لە توركیا ئاشكرایكرد، بەرپرسانی سعودیە ڕۆژانە پێشوازی لە 60 هەزار و مانگانەش نزیكەی 2 ملیۆن عومرەكار دەكەن.
جەختی لەوەش كردەوە، لەنێو سەرجەم وڵاتانی جیهان گەشتی عومرەی لە هەندێك وڵات كردووە كە ناوی هەر یەك لە وڵاتانی (توركیا، ئەمریكا، ئیمارات، ئەندەنوزیا، پاكستان، ئێران، هیندستان، میسر، لوبنان) هاتووە.

ئەمەش لەكاتێكدایە، دوای هاتنی ڤایرۆسی كۆرۆنا، زیاتر لە دوو ساڵە ئەنجامدانی حەج و عومرە سنوورداركراوە و لە ئێستادا ئەو كەسانەی ئەو گەشتە ئەنجام دەدەن مەرجی سەرەكییە كە ڤاكسینیان وەرگرتبێت.