سەردێر

دواین زانیاری لە بارەی هەوڵەكانی راگیرانی 200 ملیارەكە

واژووی ئەندام پەرلەمانەكان كاریگەریی لەسەر راگیرانی 200 ملیارەكە دەبێـت؟

خەڵك-

ئەندامێكی لیژنەی دارایی لە پەڕلەمانی عێراق ڕایدەگەیەنێت، كۆمەڵێك پەڕلەمانتاری عێراق واژوو كۆ دەكەنەوە بۆ نەناردنی سولفەكەی هەرێم.
بەپێی زانیارییەكان، ژمارەیەك لە پەڕلەمانتاری عێراق واژوو بۆ نەناردنی 200 ملیارەكەی هەرێم كۆدەكەنەوە تاكو لەو ڕێگایەوە وەك فشارێك بەربەست بۆ پارەكە دروست بكەن، ئەمەش لەكاتێكدایە تا ئێستا حكومەتی عێراق یەكجار ئەو بڕە پارەی ناردووە و بڕیاریشە بە بەردەوامی بینێرت.

شیروان میرزا ئەندامی لیژنەی دارایی لە پەڕلەمانی عێراق بە (خەڵك)ی ڕاگەیاند، ڕاستە ژمارەیەك پەڕلەمانتارن و نزیكەی 20 كەسن، ئەو بابەتەش شتێكی ئاساییە.

وتیشی”كۆكردنەوەی واژوو بۆ ئەو مەبەستە هیچ لە بابەتەكە ناگۆڕێت، چونكە نارنی ئەو 200 ملیارە بڕیاری حكومەتە و سولفەیە و پەیوەندی بە پەڕلەمانەوە نییە”.

ئەمەش لەكاتێكدایە، مەسرور بارزانی سەرۆكی ئەنجومەنی وەزیرانی هەرێمی كوردستان لە كۆنفڕانسێكی ڕۆژنامەوانیدا ڕایگەیاند، تاكو عێراق ئەو بڕە پارەیە ڕەوانەی هەرێم بكات دەتوانین مووچەی فەرمانبەران لەكاتی خۆی و بە بێ لێبڕین دابەش بكەین.