سەردێر

هەپەگە؛ لەمەتینا سەربازێكی سوپای توركیا كوژرا

خەڵك
هێزەكانی پاراستنی گەل ڕایدەگەیەنێت ، گەریلاكانی یەژاستار شەوی ڕابردوو لە دژی سوپا لە ناوچەی زەندورا چالاكی نیشانەشكێنییان ئەنجامدا، لە چالاكیەكەدا سەربازێكی توركیا كوژرا.

ناوەندی راگەیاندن و چاپەمەنی هێزەكانی پاراستنی گەل (هەپەگە) راگەیاندراوێكی بڵاوكردەوە ، كە ٣١ی تەممووزدا لەكاتژمێر 6:40 دا لە ناوچەی زەندورا لە دژی سوپا لەسەر شاخی ئازاد چالاكیەكی نیشانەشكێنی ئەنجامدرا، هێزەكانی یەژاستارمان ئەو چالاكییەیان ئەنجامدا و لەو چالاكییەدا سەربازێكی سوپا كوژرا.

“لە چوارچێوەی هەڵمەتی شۆڕشگێڕیی جەنگی خابووردا لە ناوچەی مەتینا

لە ٣١ی تەممووزدا لە كاتژمێر ١٨:٤٠ دا لە ناوچەی زەندورا لە دژی داگیركەران لەسەر شاخی ئازاد چالاكییەكی نیشانەشكێنی ئەنجامدرا. هێزەكانی یەژاستارمان ئەو چالاكییەیان ئەنجامدا و لەو چالاكییەدا داگیركەرێك سزادرا.

لە ٢٩ی تەممووز سەگێك بێكاریگەر كرا، كە سوپای كۆماری توركیا كامێرای پێوەبەستبوو و هەوڵیدا بینرێت بۆ ناو تونێلەكانی شەڕ. لە ٣٠ی تەممووز و لە كاتژمێر ٢٠:٠٠ دا و لە ٣١ی تەممووز لە نێوان كاتژمیری ٠٩:٣٠ و ٢١:١٠ دا تونێلەكانی شەڕ لە ناوچەی وەرخەل لە ئاڤاشین بۆردومانكران.

لە ٣١ی تەممووزدا لە كاتژمێر ١٦:٠٠ دا تونێلەكانی شەڕ لە ناوچەی گرێ سۆر لە ناوچەی ئاڤاشین بە تەقەمەنی بۆردومانكرا.

لە ٣١ی تەممووز لە كاتژمێر ٢١:٠٠ بۆ ٠٠:٤٠ لە ناوچەی ئاڤاشین لە ناوچەكانی گرێ سپی، گرێ سۆر، مەرڤانۆس، بانیستا و تابوری عەرەبەكان جموجوڵی كۆپتەر هەبوو. لە نێوان ٢١:٠٠ بۆ ٢٢:٠٠ دا ناوچەی ستونا لەلایەن كۆپتەرەكانەوە بۆردومان كرا.

لە ٣١ی تەممووز لە كاتژمێر ٢٣:٠٠ بۆ ١٠:٠٠ ناوچەی زاپ، ناوچەی پیتی تی و شاخی شەهید سمكۆ بە كۆپتەر بۆردومان كران. لە كاتژمێرەكانی ٠٠:٣٠ و ١٠:٣٠ دا ناوچەی چەمچۆ لە بنكە سەربازیەكانی سەر سنوورەوە بە تۆپی ئۆبیس تۆپبارانكرا.

لەو هێرشانەی سوپای كۆماری توركیادا هێزەكانمان هیچ زیانێكیان پێ نەگەیشت”.