سەردێر

هەولێر.. هێرشكرایە سەر پۆلیسی هاتووچۆ

خەڵك
لە پارێزگای هەولێر تۆمەتبارێك كە چەند ماتۆڕسكیلێكی دزیبوو لە ماوەی ڕابردوودا لەكاتی دەستگیركردنی تەقەی لە كارمەندانی هاتووچۆ كردوو لە ئەنجامدا كارمەندێكی هاتووچۆ برینداربوو، تۆمەتبارەكەش دەستگیركرا.

بەڕێوەبەرایەتی هاتووچۆی هەولێر لە ڕاگەیاندراوێكدا بڵاویكردەوە،
لەدوای دوبارەبونەوەی دیاردەی دزینی ماتۆڕسسكیلی هاووڵاتییان لەبەردەم بەشی مۆڵەتی شۆفێری ،ولەدوای بەدواداچون بۆحالەتەكە، ئەمڕۆ پلانێكی تۆكمە دانرا بۆدەستگیركردنی تومەتبارەكە لەكاتی ئەنجامدانی دزیەكە،وەچەند كارمەندێكی هاتووچۆ لەبەشی مۆلەت كارەكەیان پێ سپێردرا.

لە ڕاگەیاندراوەكەدا ئەوەش هاتووە،”ئەوەبو كاتژمێر نزیك 11ی سەرلەبەیانی توانرا كەسە تۆمەتبارەكە دەستنیشان بكرێت وهەوڵی دەستگیركردنی درا ،بەڵام تۆمەتبارەكە ڕووبەڕووی كارمەندەكان بویەوە،وەبەدەمانچە تەقەی كرد لەدەرەنجامیش كارمەندێكی هاتووچۆی بریندار كرد”.

ئاماژە بە ئەوەشكراوە،” بەهاوكاری ئاسایشی هەولێر توانرا بەر لەڕاكردنی تۆمەتبارەكە دەستگیر بكرێت ئێستالەژێر لێكۆلینەوە دایە،وەئێمە وێڕای دەستخۆشی لەكارمەندانمان ولەبرایانمان لەئاسایشی هەولێر داوا لەو هاووڵاتیانەش دەكەین كەلەماوەی ڕابردو ماتۆرسكیلیان لێدزراوەلەو شوێنە سەردانی ئاسایش بكەن بۆتۆماركردنی سكاڵا لەدژی تومەتبارەكە”.