سەردێر

پشووی خولی بەهارەی پەڕلەمان دەستیپێكرد

خەڵك-

سەرۆكی پەڕلەمانی كوردستان كۆتایی بە خولی بەهارەی پەڕلەمان هێنا و ماوەی مانگێك پەڕلەمانی كوردستان دەچێتە پشووی فەرمییەوە.

ڕێواز فایق سەرۆكی پەڕلەمانی كوردستان لە ڕاگەیەنراوێكدا ئاماژە بۆ ئەوە دەكات، بەپێی بڕیاری ژمارە (7)ی ساڵی 2021، ماوەی درێژكردنەوەی خولی بەهارەی ساڵی سێیەم لە خولی هەڵبژاردنی پێنجەمی پەڕلەمانی كوردستان، لە 31-7-2021 كۆتایی دێت و پاڵپشت بەم بڕیارە دەستەی سەرۆكایەتیی پەڕلەمانی كوردستان بڕیاری ڕاگەیاندنی كۆتاییهاتنی (خولی بەهارەی ساڵی سێیەم لە خولی هەڵبژاردنی پێنجەمی پەڕلەمانی كوردستانیدا).

بەپێی زانیارییەكانن پشووی بەهارەی پەڕلەمانی كوردستان دەبوو لە مانگەكانی (تەمووز/7) و (ئاب/8)دا بوایە، بەڵام پێشتر دەستەی سەرۆكایەتی پەڕلەمانی كوردستان بۆ ماوەی مانگێك وەرزی یاسادانانی درێژكردەوە و لە سەرەتای ئەم مانگەشدا دوو كۆبوونەوە ئەنجامدرا.