سەردێر

سبەینێ گەڕەكێكی سلێمانی بێ كارەبا دەبن

خەڵك
بەرێوەبەرایەتی گشتی كارەبای سلێمانی ڕایدەگەیەنێت، بەهۆی بەستنی پێوەری زیرەكی كارەبا بۆیان سبەینێ گەڕەكی تووی مەلیك بێ كارەبا دەبن، داواش دەكات لەدوای بەستی پێوەرەكە هەر كێشەیەك هەبوو، پەیوەندی بەلیژنەی سەرپەرشتیاری پرۆژەكەوە بكەن.

بەرێوەبەرایەتی گشتی كارەبای سلێمانی لە ئاگادارییەكدا بڵاویكردەوە، دانیشتوانی گەڕەكی توی مەلیك ئاگادار دەكرێنەوە، ئەو ماڵانەی دەكەنەوە لەسەر فیدەری 306 نزیك گوندی ئەڵمانین پێوەری زیرەكی كارەبایان بۆ دەبەسترێت.

ئاماژەبۆ ئەوەشكراوە، سبەینێ شەممە 31/7/2021 پێوەری زیرەكیان بۆ دەبەسرێت، بۆیە لە كاتژمێر 6 ی بەیانی تا 2 پاشنیوەڕۆ كارەبایان نابێت‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان.

لە ئاگادارییەكدا هاتووە، دوای بەستنی پێوەرەكە، لەكاتی بوونی هەر كێشەیەك، پەیوەندی بەم ژمارە تەلەفونەكانی( 07701394642-07705493424 ) بكەن.