سەردێر

كۆرۆنا لە هەرێم گەیشتە ئاستی مەترسیدار و قەدەغەش ڕانەگەیەنرا

خەڵك-
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 3250 حاڵەتی تووشبوون بە كۆرۆنا تۆماركراوە و 19 كەسیش گیانیان لەدەستداوە، بەڵام لیژنەی باڵای ڕووبەڕووبوونەوەی كۆرۆنا چەند ڕێكارێكی بۆ خۆپارێزی ڕاگەیاند و قەدەغەی هاتووچۆی ڕانەگەیاند.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ١٧٦٤١ پشكنین ئەنجام دراوە و دەركەوتووە لە هەولیر ٧٥٧ كەس و سلێمانی 968 كەس و لە گەرمیان 89 كەس و دهۆك ١٣٦٤ و هەڵەبجە ٤٣ و ڕاپەڕین 29 كەس تووشی كۆرۆنا بوون.

ئاشكراشی كردووە، كە ١٠٧٦ كەس چاكبوونەوە و 19 كەسیش گیانیان لەدەستداوە.

ئەمە لەكاتێكدایە، كە ئاستی بڵاوبوونەوەی كۆرۆنا لە هەرێم گەیشتۆتە قۆناغی مەترسیدار و ئەمڕۆ لیژنەی باڵای ڕووبەڕووبوونەوە كۆبووەوە و 14 بڕیاری بۆ خۆپارێزی دەركرد، بەڵام هیچ بڕیارێكی بۆ كەرەنتینە یان قەدەغەی هاتووچۆ دەرنەكرد لەكاتێكدا بەپرسانی تەندروستی داوایان دەكرد چەند ڕۆژێك قەدەغەی هاتووچۆ بكرێت تاوەكو شەپۆلەكە خاو دەبێتەوە و كۆنتڕۆڵ دەبێت.

No photo description available.