سەردێر

سۆران، گەنجێك لە زێی گەورەدا خنكا

خەڵك-
گەنجێكی رۆژئاوای كوردستان لە كاتی مەلەكردندا لە زێی گەورە لە سنوری دەڤەری بارزان خنكا.

بەپێی ڕاگەیەندراوێك كە ئەمڕۆ سێ‌ شەممە لەلایەن بەرگری شارستانی سۆرانەوە بڵاوكرایەوە” لە كاتژمێر (11:10)ی پێش نیوەڕۆ لە زێی گەورە لە دەڤەری بارزان گەنجێك لەكاتی مەلەكردندا لە زێی گەورە خنكا”.

هەر لە ڕاگەیەندراوەكەدا هاتووە”تیمەكانی مەلەوانی بەرگری شارستانی مێرگەسۆر بەدوای تەرمی خنكاوەكەدا دەگەڕێن و تا ئێستا نەدۆزراوەتەوە”.

بەڕێوەبەرایەتی بەرگری شارستانی سۆران دەڵێت”ئەو گەنجە تەمەنی (18) ساڵە و ناوی (عەلی حسێن حەوا)یەە و خەڵكی رۆژئاوای كوردستانە و دانیشتووی گەڕەكی باداوەی شاری هەولێرە بووە”.