سەردێر

ڤیدیۆ، شەڕ لەنێوان سوپای پاسداران و لایەنێكی ڕۆژهەڵات ڕوویدا

خەڵك-

پێكدادانی چەكداری لەنێوان هێزێكی ڕۆژهەڵاتی كوردستان و هێزەكانی سوپای پاسداران لە بۆكان ڕوویدا و سوپای پاسدارانیش بەرزاییەكانی شاری نەوسوودی تۆپباران كرد.

ڕێكخراوی مافی مرۆڤی هەنگاو بڵاویكردەوە، تۆپخانەكانی سوپای پاسداران چیاكانی گوندی (شەڕەكان) سەر بە شاری نەوسوودیان لە پارێزگای كرماشان تۆپباران كردووە.

ئاشكراشیكرد، لە ئەنجامی تۆپبارانەكەدا زیانێكی زۆر بەر سروشتی ناوچەكە كەوتووە و پوش و پاوەن و دارستانەكانی ئەو شاخانە ئاگریان تێبەربووە.

هەنگاو ئاماژە بۆ ئەوەش دەكات، لە نزیك گوندی “عیلم ئاباد”ی شاری بۆكان پێكدادانێكی چەكداری لە نێوان هێزێكی ڕۆژهەڵاتی كوردستان و هێزەكانی سوپای پاسداران ڕوویداوە ،بەڵام زیانەكانی شەڕەكە ئاشكرا نەكراوە.

بەپێی زانیارییەكانی هەنگاو، تاكو ئێستا هیچ لایەنێكی كوردی ئەنجامدانی پێكدادانەكەی بە ئەستۆ نەگرتووە.