سەردێر

عەلی قەرەداغی، دژایەتیكردنی كودەتاكەی توونسی ڕاگەیاند

عەلی قەرەداغی پشتیوانی بۆ ئیخوانەكانی تونس ڕاگەیاند

خەڵك-

ئەمینداری گشتی یەكێتی زانایانی مسوڵمان ڕایدەگەیەنێت، گەلی تونس دوو بژاردەی لەبەردەمدایە و سێیەمی نییە.
شەوی ڕابردوو قەیس سەعید سەرۆك كۆماری تونس لەگەڵ فەرماندە سەربازییەكانی وڵاتەكەی كۆبووەوە و بڕیاری هەڵوەشاندنەوەی حكومەت و سڕكردنی كارەكانی پەڕلەمانی دەركرد و پارێزبەندیشی لەسەر سەرجەم پەڕلەمانتاران هەڵگرت.

عەلی قەرەداغی ئەمینداری گشتی یەكێتی زانایانی مسوڵمانی جیهان لە هەژماری تایبەتی خۆی لە تۆڕی كۆمەڵایەتی تویتەر ڕایگەیاند، گۆڕانكارییەكانی تونس كودەتایە و گەلی تونس دوو بژاردەی لەبەردەمدایە و سێیەمی نیە.

وتیشی”بژاردەكان، یان بەرگرییە لە شەرعیەت و ئازادی و كەرامەتی دەكات وەك گەلی توركیا، یان پڕۆژە شارستانییەكەیان لەدەست دەدەن كە لەپێناویدا بە هەموو شتێكی گرانبەهاو بەنرخ هەوڵیان بۆداو دەگەڕێنەوە بۆ دیكتاتۆریەت وەك گەلی میسر”.