سەردێر

فەرماندەیەكی ئەمریكایی وادەی سەرهەڵدانی جەنگی جیهانی ئاشكراكرد

خەڵك-

فەرماندەیەكی خانەنشینكراوی ئەمریكایی ڕایدەگەیەنێت، ساڵی 2034 جەنگی جیهانی ڕوودەدات.
تۆڕی سپوتنیك بڵاویكردەوە، جەیمز ئیستاوریدیس فەرماندەی خانەنشینكراوی ئەمریكایی و نووسەر ڕایدەگەیەنێت، پێشبینی دەكرێت لە ساڵی 2034 ئەگەری پێكدادان یان جەنگی جیهانی ڕووبدات.
بەپێی ڕاپۆرتێك پێكدادانەكان لەنێوان ئەمریكا و چین لە دەریای چین لە ساڵی 2034 ڕوودەدات و بەرەو جەنگی جیهانی دەڕوات.

ئاشكراشیكرد، جیهان بەرەو داهێنان و فراوان بوون بە خێرایی هەنگاو دەنێت، لەبەر ئەوەی فڕۆكەی بێ فڕۆكەوان و ئامێری سەربازی جێگیر و بێ ئەوەی سەرباز ڕۆڵی لە بەكارهێنانیدا هەبێت لەو جەنگەدا بەكاردەهێنرێت.
ئەو نووسەرە ئاماژە بۆ ئەوەش دەكات، هەنگاوە سەربازییەكان هاوتای هێرشە ئەلیكترۆنییەكان ڕوودەدەن كە كاریگەری بەهێزی دەبێت لەسەر سیستمی مووشەكی دوژمن.
ئەو فەرماندەیەی ئەمریكا لەو باوەڕەدایە كە ئەمریكا ناچارە گروپی بچوك لە هێزە تایبەتەكانی دروست بكات تاكو بتوانن پێشكەوتنی بەرچاو لە بواری تەكنۆلۆژیدا بەدەستبهێنن.