سەردێر

ناو و چارەنووسی 24 كۆچبەرە كوردەكەی ناو بەلەمە ژێرئاوكەوتووەكە بڵاوكرایەوە

خەڵك-
دەزگای لوتكە بۆ كاروباری ئاوارە و پەنابەران ناو و چارەنووسی ئەو 24 گەنجە كوردە كۆچبەرە بڵاودەكاتەوە، كە لە ڕووداوی ژێرئاوكەوتنی بەلەمەكەی نزیك دورگەی كریتی دا بوون.

ئاری جەلال، سەرۆكی دەزڤای لوتكە بۆ (خەڵك) ئاماژەی بەوەكرد، لە ڕووداوەكەی ڕۆژی پێنج شەممەی نزیك دورگەی كریتیدا ژمارەیەكی زۆر لە كوردانی باشووری كوردستان ڕزگاریان بووە، كە ١٧ لەو كەسانە لەلایەن كەسوكاریانەوە لە دەزگای لوتكە تۆمار كراون و دوای بەدواداچوونی وردی دەزگاكە، هەواڵی سەلامەتییان دراوە بە كەسوكاریان.

ڕاشیگەیاند، بەداخەوە هەر لەو ڕووداوەدا ١٠ كەس بێسەروشوێنن، كە دوانیان خەڵكی میسر و دانەیەكیان كوردی ڕۆژهەڵاتی كوردستان و ٧ كەسیشیان هاووڵاتیی هەرێمی كوردستانن.

جەختیشی كردەوە، دەزگای لوتكە بەهاوكاری نوسینگەی قوباد تاڵەبانی، جێگری سەرۆكی حكومەتی هەرێمی كوردستان ئامادەكاریی تەواوی كردووە و بەردەوامە لە بەدواداچوونەكانی بەمەبەستی هاوكاری و كارئاسانی بۆ ڕزگاربووانی ڕووداوەكە و هەروەها فشاركردن بۆ بەدواداچوونی زیاتر لەسەر بێسەروشوێن بووەكانی ئەو ڕووداوە، بەڵام تاكو ئێستا تەنها بەڵگەنامەی ٤ لە بێسەروشوێن بووەكان لەلایەن كەسوكاریانەوە دراون بە دەزگای لوتكە. بۆیە بۆ ئەو مەبەستە، داواكارین لە كەسوكاری ئەو كۆچبەرانەی دیكەش كە ژمارەیان ٣ كەسە و تا ئێستا چارەنووسیان نادیارە، زانیاری و بەڵگەنامەكان بنێرن بۆ دەزگای لوتكە.