سەردێر

كوردانی ڕوسیا داوایەك ئاڕاستەی ڕۆژئاوای كوردستان دەكەن

خەڵك

ئەندامێكی نوێنەرایەتی ڕێڤەبەری خۆسەری ڕۆژئاوا لەباشووری كوردستان ڕایدەگەیەنێت، كوردەكانی ڕوسیا دەیانەوێت نێوەندگیری نێوان كوردانی سوریا و ڕژێمی ئەسەد بكەن.
هەرچەندە دوای شەڕی نێوخۆی سوریا و كەوتنی داعش لەو وڵاتە داوا دەكرێت دەستوورێكی نوێ كە مافەكانی كوردی تێدا پارێزراو بێت لە سوریا بنووسرێتەوە، بەڵام تاكو ئێستا حكومەتی ناوەندی ئەو ولاتە نەچووەتە ژێر باری ئەو بابەتەوە زۆرێك لە وڵاتانیش ئاماژە بە ڕێككەوتنی نێوان بەڕێوەبەری خۆسەر و حكومەتی سوریا دەكەن.

فەتحوڵڵا حوسەینی ئەندامی نوێنەرایەتیی ڕێڤەبەری خۆسەری ڕۆژئاوا لەباشووری كوردستان بە (خەڵك)ی ڕاگەیاند، ماوەیەك لەمەوپێش كوردەكانی ڕوسیا وەكو هێزێكی سەرەكی كە پاڵپشتی ڕژێمی سوریا دەكەن داوایان كرد كە گفتوگۆیەكی جددی و گشتگیر لە نێوان كوردەكانی سوریا و ڕژێمی سوریا ئەنجام بدرێت.

وتیشی”هاوكات ڕوسیاش ئەو داوایەی لە ڕۆژئاوای كوردستان كردووە و دەبێت ڕوسیا سەرپەرشتی خۆی ئەم گفتوگۆیانە بكات و بەڕێوەبەرایەتی خۆسەریش بەشێوەیەكی ڕەسمی پێشوازی لەو داوەتنامەیەی ڕوسیا كردووە”.