سەردێر

دهۆك، لە ڕووداوێكی هاتووچۆدا 7 كەس بوونە قوربانی

خەڵك-
رووداوێكی هاتوچۆو لە ڕێگای نێوان شێخان- دهۆك، 7 قوربانی لێكەوتەوە

ئازاد تەها وتەبێژی بەڕێوەبەرایەتی هاتووچۆی دهۆك ڕایگەیاند، درەنگانێكی شەوی ڕابردوو، لەسەر ڕێگای سەرەكی نێوان دهۆك – شێخان لە نزیك ناحیەی عەدرێ، رووداوێكی هاتوچۆ روویداوە و بەهۆیەوە دوو كەس گیانیان لەدەستداوە و پێنج كەسی تر بریندارببوون.

بە وتەی ئازاد تەها، ڕووداوەكە لە نێوان پیكابێك و تۆیۆتا كامریەكدا بووە و جگە لە زیانە گیانیەكانی زیانێكی زۆری ماددیش بەهۆی ڕووداوەكەوە كەوتۆتەوە.

ڕووداوەكانی هاتووچۆ لەم چەند ساڵەی دواییدا بەشێوەیەكی بەرچاو لە هەرێمی كوردستانیان ڕوویان لە زیادبوون كردووە، ئامارەكانیش ئاماژە بە هەڵكشانی ژمارەی قوربانیانی ئەو ڕووداوانە دەكەن، بە بۆچوونی چاودێران، هۆكاریی زۆربوونی ڕووداوەكانی هاتووچۆ، لەلایەك بۆ خراپی ڕێگاوبانەكان و لەلایەك تر،بۆ تیژڕەوی و بۆ پابەندنەبوونی شۆفێران بە ڕێنماییەكانی هاتووچۆوە دەگەڕێتەوە.