سەردێر

پارێزگای هەولێر ڕوونكردنەوەیەك بڵاودەكاتەوە

خەڵك
پارێزگای هەولێر ڕایدەگەیەنێت، ڕووداوی هێرشكردنە سەر گەشتیاران لە ڕۆژانی جەژن دوورە لە ڕاستیەوە و هیچ ڕووداوێكی لەمجۆرە و ڕووداوی دیكەی هاوشێوەی لەڕۆژانی جەژن ڕووینەداوە.

پارێزگای هەولێر لە ڕوونكردنەوەیەكدا بڵاویكردەوە، دوای بڵاوكردنەوەی گرتە ڤیدیۆییەك لەتۆڕەكۆمەڵایەتییەكان و چەند شوێنێكی دیكە، كە گوایە لەلایەن چەند چەكدارێك لە ڕۆژانی جەژن دەستدرێژی كراوەتە سەر گەشتیاران و پاسێكی گەشتیاری و تەقەی لێكراوە دوورە لە ڕاستیەوە.

ئاماژە بۆ ئەوەشكراوە، كە جارێكی تر هاووڵاتییان و هاوشاریانی خۆشەویستی سنووری پارێزگاكەمان دڵنییادەكەینەوە ڕەوشی ئەمنی و سەقامگیر هەولێری پایتەخت و سەلامەتی و پاراستنی گیانی گەشتیاران و سەرو ماڵی هاووڵاتییانی شارەكەمان بە چاوكراوەیی و شەونخونی برایانیان لە هێزەكانی ناوخۆ پارێزراوە.

ڕوونكردنەوەیەك لە پارێزگای هەولێرەوە:
دوای بڵاوكردنەوەی گرتە ڤیدیۆییەك لەتۆڕە كۆمەڵایەتییەكان و چەند شوێنێكی دیكە، كە گوایە لەلایەن چەند چەكدارێك لە ڕۆژانی جەژن دەستدرێژی كراوەتە سەر گه شتیاران و پاسێكی گەشتیاری و تەقەی لێكراوە، بە هەموو لایەك ڕادەگەێنین كە ئەم ڕووداوە بەهەموو شێویەك دوورە لەڕاستی و هیچ ڕووداوێكی لەمجۆرە و ڕووداوی تری هاوشێوەی لەڕۆژانی جەژن ڕووینەداوە، بەڵكو ئەم گرتە ڤیدیۆیە و ڕووداوەكەش كۆنە و بەماوەیەكی پێش جەژن ڕوویداوە، ئەویش وەرگرتنی ئیجرائاتی پێویست بووە بەرامبەر بەچەند كەسێكی سەرپێچیكار.
جارێكی تر هاوڵاتییان و هاوشاریانی خۆشەویستی سنووری پارێزگاكەمان دڵنییا دەكەینەوە ڕەوشی ئەمنی و سەقامگیر هەولێری پایتەخت و سەلامەتی و پاراستنی گیانی گەشتیاران و سەرو ماڵی هاوڵاتییانی شارەكەمان بە چاوكراوەیی و شەونخونی برایانیان لە هێزەكانی ناوخۆ پارێزراوە.
پارێزگای هەولێر