سەردێر

تەندروستی عیراق: دۆخەكە لەوپەڕی مەترسیداریدایە

خەڵك

وەزارەتی تەندروستی عیراق لەبارەی دۆخی كۆرۆنا و بەرەنگاربوونەوەی ئەو پەتایە دوو بژاردە دەخاتەڕوو، یەكێكیان سەپاندنی قەدەغەی هاتووچۆی گشتگیرە.

ئەمڕۆ یەكشەممە 18/7/2021، وەزارەتی تەندروستیی عیراق نووسراوی بۆ سەرۆكایەتیی ئەنجومەنی وەزیران و لیژنەی باڵای تەندروستی و سەلامەتی نیشتمانی كردووە و تێیدا چەند ڕاسپاردەیەكی لەبارەی دۆخی كۆرۆنا خستووەتەڕوو.

لە نووسراوەكەدا، وەزارەتی تەندروستی دوو بژاردەی خستووەتەڕوو:

 

بژاردەی یەكەم:

سەپاندنی قەدەغەی هاتووچۆی گشتگیر بۆ ماوەی 14 ڕۆژ لە 18/7/2021 بۆ 1/8/2021 .

بژاردەی دووەم:

سەپاندنی قەدەغەی داخستنی سنووردار كە ئەمانە بگرێتەوە:

– داخستنی مۆڵ، چێشتخانە، كافتریا، چاخانە، هۆڵەكانی سینەما، هۆڵی بۆنەكان و بوك گواستنەوە، مەساج، مزگەوت و هۆڵە وەرزشییەكان.

– دەوامی كارمەندان لە سەرجەم دام و دەزگاكانی حكومەت بۆ 25٪ كەمبكرێتەوە.

– ئامادەنەبوون لە زانكۆ و خوێندنگا و پەیمانگەكان بۆ ماوەی 30 ڕۆژ لە 18/7/2021 بۆ 16/8/2021 و پشت بە خوێندنی ئەلكترۆنی ببەسترێت.

– قەدەغەكردنی گردبوونەوە لە هەموو شوێنەكانی خواپەرستی و شوێنە پیرۆزەكان لە 18/7/2021 بۆ 16/8/2021.

– قەدەغەكردنی هاتووچۆی هاووڵاتیان لە نێوان پارێزگاكان تەنیا بۆ حاڵەتی پێویست نەبێت.

– بەردەوامبوونی داخستنی دەروازە سنوورییەكان لە بەردەم خەڵكی هاتوودا.