سەردێر

كەشناسی هەرێم پلەكانی گەرمای بۆ ڕۆژانی جەژن بڵاوكردەوە

خەڵك-
كەشناسی هەرێم ڕاپۆرتێك سەربارەت بە دۆخی كەشوهەوای ڕۆژانی جەژنی قوربان بڵاودەكاتەوە و ئاشكرای دەكات، كە پلەكانی گەرما بەرزدەبنەوە.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاپۆرتێكدا ئاماژەی بەوەكردووە، ڕۆژی دوو شەممە 19-07-2021 كاریگەری نزمە پاڵەپەستۆی گەرمی ساڵانە لەسەر هەرێمی كوردستان زیاتر دەبێت، كە دەبێتە هۆی بەرزبوونەوەی زیاتری پلەكانی گەرما و لەڕۆژانی سێ شەممە و چوار شەممە دەگاته بەرزترین پلە.

ڕاشیگەیاندووە، ئێوارەی ڕۆژی چوار شەممە خێرایی با چالاك دەبێت و ئەگەری بەرزبوونەوەی تۆز و خۆڵێكی سووك هەیە.

ئاماژەی بەوەشكردووە، لەسنتەری شاری هەولێر لەنێوان 46 – 48 پلە دەبێت و لەسەنتەری شارەكانی سلێمانی و دهۆك و هەڵەبجە 44 – 46 پلە دەبێت و لەشاری كەركوك و ناوچەكانی گەرمیان 47 – 51 پلە دەبێت .