سەردێر

بانگەشەی هەڵبژاردنی پێشوەختەی عێراق دەستیپێكرد

خەڵك-

بەرپرسی ھۆبەی لایەنە سیاسیەكان، لە كۆمیسیۆنی باڵای سەربەخۆی ھەڵبژاردنەكانی عێراق ڕایدەگەیەنێت، بانگەشەی هەڵبژاردنەكانی عێراق دەستپێدەكات.

كۆمیسیۆنی باڵای سەربەخۆی ھەڵبژاردنەكانی عێراق، بانگەشەی ھەڵبژاردنی پێشوەختەی عێراقی دەستپێكرد و ناوی سەرجەم كاندیدەكانیشی پەسەند كرد.

فەرھاد ئەسعەد شێتنەیی بەرپرسی ھۆبەی لایەنە سیاسیەكان، لە كۆمیسیۆنی باڵای سەربەخۆی ھەڵبژاردنەكانی عێراق لە لێدوانێكی ڕۆژنامەوانیدا ڕایگەیاند، كۆمیسیۆن، بڕیاریدا دەست بە بانگەشەی ھەڵبژاردن بكرێت.

وتیشی”لە (8/ تەمووز)ی ئەمساڵ، لە كاتژمێر (06:00) بەیانی، بانگەشە دەستپێدەكات، تاكو ڕۆژی (7ی تشرینی یەكەم) بەردەوام دەبێت، كە دەكاتە ڕۆژێك پێش دەنگدانی تایبەت، بانگەشەی ھەڵبژاردن دەبێت بوەستێت”.

جەختی لەوەش كردەوە، ناوی سەرجەم كاندیدەكانی ھەڵبژاردن لەلایەن كۆمیسیۆنەوە پەسەندكراون.

ئەمەش لەكاتێكدایە، لایەنە سیاسیەكانی كوردستان دوای چەندین كۆبوونەوە، بەڵام نەیانتوانی بە یەك لیست بەشداری هەڵبژاردنەكان بكەن، ئەمەش بووەتە هۆی ئەوەی بە چەند لیستێكی جیاواز بەشداری هەڵبژاردنەكان بكەن و بەشێك لە چاودێرانی سیاسیش ئاماژە بۆ ئەوە دەكەن، ڕێژەی كورسییەكانی كورد لە پەڕلەمانی داهاتووی عێراق كەم دەكات بەتایببەت كورسییەكانی ناوچە كێشەلەسەرەكان.