سەردێر

مووچەی بەشێكی مووچەخۆران زیاد دەكرێت

خەڵك-
بەپێی هەمواری نوێی یاسای ماف و ئیمتیازی خاوەن پێداویستییە تایبەتەكانەوە لە پەڕلەمانی كوردستان، مووچەی كەمئەندامان و كورتەباڵاكان و خاوەن پێداویستییە تایبەتەكان زیادە دەكرێت.

دلێر فەریق، وتەبێژی كۆمەڵەی كورتەباڵاكانی كوردستان لە كۆنگرەیەكی ڕۆژنامەوانیدا ستایشی پەڕلەمانی كوردستان دەكات بۆ هەموار كردنەوەی یاسای ماف و ئیمتیازی خاوەن پێداویستییە تایبەتەكان و دەڵێت: “ئەو یاسایەی لە ساڵی 2011ەوە دەركراوە تا ئێستا جێبەجێ‌ نەكراوە”.

ڕاشیگەیاندووە، گرنگترین شت لە هەمواری یاساكە ئەوەیە، كە گۆڕانكاری بەسەر مووچەكانیاندا دێت.

ئاماژەی بەوەشكردووە، پێش هەمواركردنەوەكە ئەوانەی مووچەی 150 هەزار دیناریان بۆ دانرابوو دەبوو بە 250 هەزار دینار، بەڵام لە ئێستادا بڕی مووچەكانیان بەپێی ڕێژەی پەككەوتوویی دەبێت و مووچەیان وەك فەرمانبەرانی لێ‌ دێت.