سەردێر

كۆمسیۆن ناوی 44 هەزار مردوو لە لیستی دەنگدەران دەسڕێتەوە

خەڵك

كۆمسیۆنی باڵای سەربەخۆی هەڵبژاردنەكان، ئەمڕۆ سێشەممە 6ی تەمووزی 2021 سڕینەوەی ناوی 44 هەزار مردووی لەلیستی دەنگدەران ئاشكراكرد.

جومانە غەلای وتەبێژی كۆمسیۆنی باڵای سەربەخۆی هەڵبژاردنەكان ڕایگەیاند: لەو ماوەیەی كۆمسیۆن كاری لەسەر نوێكردنەوەی تۆماری دەنگدەران دەكرد، كۆمسیۆنی هەڵبژاردنەكان بەهەماهەنگی كاری لەگەڵ وەزارەتی تەندروستی و ژینگەی فیدڕاڵ و فەرمانگەی كارتی خۆراك لەوەزارەتی بازرگانی فیدڕاڵ كردووە.

كۆمسیۆنی باڵای سەربەخۆی هەڵبژاردنەكان ئاماژەی بەوەشدا: ئەو ماوەیەی كۆمسیۆن كاری لەسەر نوێكردنەوەی تۆماری دەنگدەران دەكرد زیاتر لە 100 ڕۆژ بوو، كە لەمیانیدا پێشوازییان لەژمارەیەكی زۆر لە دەنگدەر كردووە و تۆماری دەنگدانیان بۆ نوێكراوەتەوە و حاڵەتەكانی مردن دەستنیشان كرابوون و كۆمسیۆنیش لای خۆیەوە 43 هەزار و 976 ناوی مردووی لەتۆماری گشتی دەنگدەراندا سڕیوەتەوە.