پەڕلەمانی كوردستان 3 پڕۆژە یاسا دەخاتە دەنگدانەوە - تۆڕی میدیایی خەڵک

سەردێر

خێزان ئەمەی خوارەوە چەند جوڵەیەکە کە بە ٥ خولەک ئازاری پشتت ناهێڵێت و دەتوانیت ئەنجامی بدەیت: -قاچت ڕابکێشە و خاولیەک بکەرە ژێر ئەژنۆت و سەرینێک بکەرە باوەشت و بنوشتێرەوە. ٥ خولەک بەم جۆرە پشوو وەربگرە -دابنیشە و قاچت بەرز بکەرەوە و لەسەر سمتت باڵانسی خۆت ڕابگرە، دواتر قاچی ڕاست بە دەستی چەپ و قاچی چەپ بە دەستی ڕاست بگرە و تا دەتوانیت ڕایبکێشە. ١ بۆ ٢ خولەک -بە پەنجەت پەستان بخەرە سەر بەشی پشتەوەی ئەژنۆت و هەناسە هەڵبمژە و بیدەرەوە، ٢ بۆ ٣ خولەک -بچۆرە سەر تۆپێکی یاری تێنس و جوڵە بە سمتت بکە لەسەری . ١ بۆ ٢ خولەک -بە زەیتی لاڤاندار ئەو ناوچانە بشێکە کە ئازاری هەیە
هه‌رچه‌نده‌ هۆكاره‌كانی ختوكه‌دان تا ئێستا به‌شێوازێكی زانستی یه‌كلا نه‌بۆته‌وه‌و بابه‌ته‌كه‌ په‌یوه‌سته‌ به‌ هه‌سته‌وه‌ره‌كان و سۆزه‌وه‌، به‌ڵام تا ئێستا ئه‌وه‌ت له‌ خۆت پرسیوه‌ كه‌ بۆچی ناتوانیت خۆت ختوكه‌ی خۆت بده‌یت؟ به‌پێی توێژینه‌وه‌یه‌كی زانستی ده‌ركه‌وتوه‌ كه‌ كاتێك كه‌سێك ختوكه‌ت ده‌دات مێشكت به‌پێی بارودۆخه‌كه‌ كاردانه‌وه‌ی ده‌بێت، به‌شێكی په‌یوه‌سته‌ به‌ هه‌سته‌وه‌ره‌كان و به‌شێكیشی وه‌ك به‌رگریه‌كی جه‌سته‌یه‌. به‌ڵام به‌هۆی ئه‌وه‌ی كاتێك خۆت ختوكه‌ی خۆت ده‌ده‌یت مێشكت له‌ ورده‌كاریه‌كه‌ی ئاگاداره‌و هه‌ر له‌سه‌ره‌تاوه‌ خۆی ئاڕاسته‌كان ده‌دات، هه‌ر بۆیه‌ له‌ كاتی به‌ركه‌وتندا هیچ كاردانه‌وه‌یه‌ك نیشان نادات.
خەڵک ئاسایشی ڕووسیا، دەڵێت؛ ئۆکراین تۆڕە کۆمەڵایەتییەکان بۆ سیخوڕی و زانیاریدان بە مەبەستی بۆردومان و هێرشی بنکە سەربازییەکان لەو ناوچانەی لەدەستیداون بەکاردێنێت . سەرچاوەیەک لەدەستەی ئاسایشی ڕووسیا ڕایگەیاند؛ چالاکییەکانی تۆڕێکی داخراوی گفتوگۆی هەواڵگری ئۆکراینیان لەو ناوچانە ئاشکراکردووە، کە لەلایەن کیێڤەوە لەدەستدراون و ئیستا لەژێر کۆنترۆڵی هێزە رووسییەکاندان، کە کاریان دیاریکردنی ئامانجەکانی مۆسکۆ بووە بۆ یەکە سەربازیەکانی ئۆکراین بەمەبەستی بۆردومانکردنیان لە کۆماری دۆنیتسک. "ئاژانسی نۆڤۆستی بڵاویکردووەتەوە؛ لە شارۆچکە بچووکەکانی وەک نۆڤایا کاخۆفکا کە لە دەستی هێزەکانی ئۆکراین نەماون، کارمەندانی هەواڵگری ئاسایشی ئۆکراین لە تۆڕە کۆمەڵایەتییەکانەوە زانیاری دەنێرن بۆ هێزەکانیان تا بنکەو بارەگا سەربازییەکانی رووسیا بکەنە ئامانج. بەپێی سەرچاوەی هەواڵەکە، لە نێو دەستگیرکراوانی بەشداربووی ئەم گروپە دیجیتاڵییە سیخوڕیانەدا، ڤیتالی چۆبرینا، دانیشتووی نۆڤایا بوونی هەبووە، کە توانیویەتی دزە بکاتە نێو یەکێک لە گرووپەکانی تۆڕی تێلیگرامی سەر بەهێزەکانی رووسیا کە جموجووڵ و کردە سەربازییەکانییانی تێدا بڵاو دەکرایەوە. ڤیتالی دەڵێت؛ لەسەرەتای مانگی نیسان تا 10ی ئەم مانگە، 12 جار زانیاریم لەبارەی شوێنی سەربازە ڕووسەکان و جموجووڵەکانیان داوەتە ئەو تۆرە سیخوڕییە. ڤیتالی چۆبرینا، ئەوەشی خستەڕوو، تەواوی زانیارییەکانی بەهۆی یەکە سەربازییەکانی ئۆکراینەوە ئامانجیان پێکاوە و بەهۆی ئەو زانیاریەکانی زۆرێک لە سەربازە ڕووسییەکان و "جوداخوازەکان" کوژراون . جەختیشیکردەوە، کاری ئەندامانی گروپەکە سنوردار بووە بۆ کۆکردنەوەی هەواڵگری لەسەر جموجوڵی یەکەکانی هێزەکانی ڕووسیا و پێگەکانیان کە دواتر بە تۆپ و مووشەک بۆردومان کراون. ئەوەشی خستەڕوو؛ نوێنەرانی یەکەی ڕاستڕەوی سەر بە گروپەکانی نیو نازی زۆرجار وەک بەرپرسی ئەم جۆرە گروپانە کاریان کردووە. سەرچاوە: نۆڤۆستی
خەڵک- سەرۆکی حكومەتی هەرێمی کوردستان لەگەڵ ئەمینداری گشتیی ئەنجومەنی هاریکاریی کەنداو کۆبووەوە و پێکەوە تاوتوێی بارودۆخی هەرێم و عێراق و پەیوەندییەکانی وڵاتانی کەنداو لەگەڵ بەغداد و هەرێمیان کرد. ئەمڕۆ سێشەممە 24ی ئایاری 2022 لە چوارچێوەی دیدار و کۆبوونەوەکانیدا لە میانەی کۆڕبەندی ئابووری جیهانی لە داڤۆس، مەسرور بارزانی، سەرۆکی حكومەتی هەرێمی کوردستان، لەگەڵ نایف ئەلحەجرەف، ئەمینداری گشتیی ئەنجومەنی هاریکاریی کەنداو کۆبووەوە. لە کۆبوونەوەکەدا باس لە بارودۆخی سیاسی عێراق و پەیوەندییەکانی وڵاتانی کەنداو لە گەڵ عێراق و هەرێمی کوردستان کرا، جەخت لە گرنگیی بەهێزکردنی پەیوەندییەکانی وڵاتانی کەنداو و هەرێمی کوردستان لە هەموو بوارەکاندا کرایەوە.
خەڵك ٢٢ ڕۆژە بەنزینە عێراقیەکە لە سلێمانی دابەشناکرێت، لە کاتێکدا لە هەولێر بەنزینەکە ڕۆژانە هەیە، هاوکات ئەندامێکی ئەنجومەنی پارێزگاش دەڵێت، لەو کاتەی مووشەکەکان بەر هەولێر کەوتوون بەنزینی عێراقی لە سلێمانی نەماوە. لە ڕۆژی دووی ئەم مانگەوە بەنزینی عێراقی ٦٩٠ دیناری لە سلێمانی دابەشنەکراوە، لە ڕۆژی چواری مانگدا نرخی بەنزین کەمی کرد، نرخی بەنزینی نۆرماڵ بوو بە ٩٠٠ دینار، بەڵام لە ٢١ ئەم مانگە نرخەکەی جارێکی دیکە ٥٠ دینار چووەسەر نرخەکەی. نەمانی بەنزینە عێراقیەکە لە سلێمانی، هاوکاتە لەگەڵ ئەو شەش مووشەکەی یەکەم ڕۆژی ئەم مانگە بەر هەولێر کەوتن، کەریم عەلی، ئەندامی ئەنجومەنی پارێزگای سلێمانی بە (خەڵك)ی ڕاگەیاند، نازانرێت ئایا پاڵاوتگەی کار زیانی پێگەیشتووە، یان حکومەتی عێراقی گرێبەستەکەی لەگەڵ پاڵاوتگەکە هەڵوەشاندووەتەوە، یاخود حکومەتی عێراقی پەشیمان بووەتەوە لە بەڵێنی ناردنی بەنزین. ئەو ئەندامەی ئەنجومەن ئاماژە بۆ ئەوەدەکات، پاڵاوتگەی کار ڕێکەوتنی ڕاستەوخۆی لەگەڵ حکومەتی عێراقی هەیە، کە نەوت بۆ حکومەتی عێراقی دەپاڵێوێت، ئەو بەنزینەی کە حکومەتی عێراق دەینارد لە هەولێرەوە دەهات بۆ سلێمانی، "ئەو بەنزینە کە دەهات بۆ هەرێمی کوردستان لە پاڵاوتگەی کار وەردەگیرا، دوای ئەو موشەکانە بەنزینە عێراقیەکە لە سلێمانی ڕاگیراوە". ئەوەش دەخاتەڕوو، کە ئەو بەنزینەی بە ناوی بەنزینی عێراقی لە هەولێر دابەشدەکرێت، حکومەتی هەرێم خۆی دابینی دەکات، کە بڕەکەی ڕۆژانە میلۆنێک لیترە، بەڵام بەشی سلێمانی و دهۆکی لێنادرێت، هەرچەندە ئەوان وەک ئەنجومەنی پارێزگای سلێمانی بە نوسراو داوای بەشی سلێمانیان کردووە، بەڵام هێشتا هیچ وەڵامێکیان وەرنەگرتووە، لەبارەی کاتی دووبارە دابەشکردنی بەنزینە عێراقیەکەشەوە دەڵێت "نازانین کەی بەنزینەکە دێت یاخود نا".
خه‌ڵك یه‌كێتیی تۆپی پێى ئه‌وروپا به‌ هه‌مه‌ئاهه‌نگى كۆمپانیاى ئه‌دیداس تۆپى یارى كۆتایی چامپیۆنزلیگى ئاشكرا كرد كه‌ بڕیاره‌ یارییه‌كه‌ رۆژى شه‌ممه‌ى داهاتوو به‌رێوه‌بچێت. تۆپه‌كه‌ بە بەکارهێنانی یەکێک لە گەورەترین قۆناغەکانی وەرزش وەک دەرفەتێک بۆ یەکخستنی جیهان لە پەیامێکی جیهانی ئاشتیدا، تۆپەکە - کە بە وشەی ‘мир | PEACE‌ – بۆ فرۆشتنی تاکەکەسی بەردەست نابێت. تۆپی یارییەکە دوای یارییەکە دەخرێتە زیادکردن و داهاتەکەی دەچێتە سەر UNHCR کە دەزگای پەنابەرانی نەتەوە یەکگرتووەکانە، بۆ ئەوەی یارمەتی پاراستنی ئەو کەسانە بدات کە بەهۆی ململانێ و گۆشەگیرییەوە ناچارن ماڵەکانیان بەجێبهێڵن. لەسەر تۆپەکە بە پیتی قەڵەم وەک بەیاننامەیەکی یەکێتی تۆپی پێی ئەوروپا دانراوە، ‘мир‌ بە ڕێنووسی سیریلیک دەتوانرێت بە 'peace' وەربگێڕدرێت، کە لە سەرووی وشەکەوە دادەنیشێت لە زمانی ئینگلیزیدا – PEACE. دیزاینی فراوانتری تۆپەکە بە شێوەیەکی بەرچاو بێ ڕەنگە، پانێڵی سپی پاکی تێدایە بۆ هێمای ئاگربەست و یەکێتی.
خەڵك- ئەمڕۆ بە بەشداری 210 كۆمپانیا، پێشانگایەكی نێودەوڵەتی تایبەت بە كەرەستەی بیناسازی لە هەولێر كرایەوە. سەروەر هاوار، بریكاری وەزیری پیشەسازی و بازرگانی لە كۆنفڕانسێكی ڕۆژنامەوانیدا ڕایگەیاند، پێشانگاكە تایبەتە بە كەرەستەی بیناسازی و بەبەشداری 120 وڵات بەڕێوە دەچێت كە لەو ڕێژەیە 30 كۆمپانیایان هاوبەشە لەنێوان عێراق و هەرێمی كوردستان. وتیشی، كۆمپانیاكان لە وڵاتانی هندستان، توركیا، چین، ئێران، میسڕ ،عێراق بەشدارییان كردووە. ئاماژەی بە ئەوەشكرد، خوازیارین ئەو كۆمپانیانەی نرخەكانیان گونجاوە، لە هەرێمی كوردستان لق بكەنەوە بۆ ئەوەی دەرفەتی كاری زیاتر بڕەخسێنرێت و برەو بە بواری بازرگانی بدرێت.
خەڵک جارێکی دیکە، ڤۆلۆدیمەر زیلینسکی سەرۆکی ئۆکراین ئامادەیی خۆی دووپاتکردەوە بۆ چاوپێکەوتن لەگەڵ ڤلادیمێر پۆتین هاوتا ڕووسییەکەی، بۆ وەستاندنی ئەو جەنگەی لەسەر وڵاتەکەی بەرپایکردووە، سەرۆکی ئەمریکاش جەختدەکات، کە قەیرانەکانی ئۆکراین قەیرانێکی جیهانییە نەک هەرێمی، هاوکات 20 وڵات ئامادەیی هاوکاریی سەربازییان بۆ کیێڤ دەربڕی. لە وتەیەکدا، لە میانی کۆڕبەندی ئابووری داڤۆس لە سویسرا، زیلینسکی وتی؛ ڕووسیا تەنیا مەبەستی ئۆکراینا نییە، بەڵکو دەیەوێت هاوشێوەی دورگەی کریمیا ئۆکراینیش بە ڕووسیاوە بلکێنێت و خوێنی سەدان هەزار هاووڵاتی بێ تاوان برژێنێت. سەرۆکی ئۆکراین ڕوونیکردەوە؛ گەلی ئۆکراین مێژوو شاهێدییەتی کە توانیویانە هەرچۆنێک بێت، داگیرکەران لە خاکەکەیان دووربخەنەوە، وتیشی ئەگەر ساڵی ڕابردوو قسەکانمان بەهەند وەرگیرابایەو، سزایەکی دادپەروەرانە و عەقلانی دژ بە ڕووسیا هەبوایە، ئۆکراینا تووشی ئەم جەنگە نەدەبوو. ئۆکراین.. قەیرانێکی جیهانی لەلایەکی دیکەوە و لە پەرەسەندنە سیاسییەکانی پەیوەندیدار بە ئۆکراین، جۆ بایدن سەرۆکی ئەمەریکا لە کۆبوونەوەیەکی چوار قۆڵی لە تۆکیۆ، ڕۆژی سێشەممە وتی؛ قەیرانی ئۆکراین بابەتێکی جیهانیە نەک هەرێمی. بایدن وتی؛ ئەمەی ڕوودەدات زیاتر کێشەیەکی ئەوروپاییە، بەڵام لە بنەڕەتدا کێشەیەکی جیهانییە و جەختی کردەوە کە واشنتۆن لەگەڵ "هاوبەشە نزیکەکانی" لە ناوچەکانی زەریای هیندی و هێمن بەرامبەر هەڕەشە و مەترسییەکان دەوەستێت. لالایەکی دیکەوە، ڕۆژی دووشەممەی ڕابردوو، لۆید ئۆستن وەزیری بەرگریی ئەمریکا ڕایگەیاند؛ کە 20 وڵات هاوکاری سەربازی نوێیان پێشکەشی ئۆکراین کردووە بۆ ڕوبەڕوبونەوەی هێزەکانی ڕووسیا. لەکۆبوونەوەیەکی هاوپەیماناندا ئۆستن وتی؛" کۆبوونەوەکە زۆر سەرکەوتوو بوو" زۆربەی وڵاتان چەک و تەقەمەنی و سیستمی بەرگریی و تانک و زرێپۆش دابین دەکەن کە ئۆکرانییەکان زۆر پێویستیان پێیە". ئاشکراشیکرد؛ ویلایەتە یەکگرتووەکان هاوئاهەنگیی لەگەڵ لێشاوی دابینی چەک و پشتیوانی نێودەوڵەتیی هەیە بۆ ئۆکراین و پشتیوانی لە کیێڤ دەکات بە ملیاران دۆلار بە دابینکردنی کەرەستەی سەربازی و مەشقکردن بە هێزەکانیان. وەزیری بەرگری ئۆکراینیش، دۆخی سێ مانگ دوای جەنگی ڕووسیای بۆ سەر وڵاتەکەی خستەروو و بەشداربووانی لە ئەو بارودۆخە سەربازییەی ئێستا ئاگادارکردەوە، کە بەهۆی رووسیاوە لەناوچەکەدا لە ئارادایە. خیرسۆن ئیدارەیەکی نوێی سەر بە مۆسکۆ سەروەخت لەگەڵ کۆبوونەوەی هاوپەیمانان و دابینی هاوکاری سەرتبازی بۆ کیێڤ، ئاژانسی هەواڵی ڕووسیا لە زاری بەرپرسێکی حکومی لە هەرێمی خیرسۆنی ئۆکراین بڵاویکردەوە، کە ڕۆژی سێشەممە ئیدارەی ڕاسپێردراوی ڕووسیای داوا لە مۆسکۆ دەکات بنکەیەکی سەربازی لەسەر خاکەکەی بنیاتبنێت. مۆسکۆ لە خیرسۆن ئیدارەیەکی نوێی دامەزراندووە و دەستیکردوە بە ناساندنی ڕۆبلی ڕووسی وەک دراوێک بۆ هەرێمەکە، کیریل ستریمۆسۆڤ، جێگری سەرۆکی هەرێمیی خیرسۆن کە بە "ئیدارەی هەرێمی مەدەنی و سەربازی" لە خیرسۆن ناودەبرێت، بە ئاژانسی هەواڵی ڕووسیای ڕاگەیاند: "پێویستە بنکەیەکی سەربازی ڕووسیا لە هەرێمەکەدا هەبێت"ئێمە داوای ئەوە دەکەین، کە هەموو خەڵک دەیانەوێت، ئەمە شتێکی گرنگە و دەبێتە بەرقەراری ئاسایشی هەرێم و دانیشتوانەکەی". دەستپێشخەری ئاشتی لەلایەکی دیکەوە، وەزارەتی دەرەوەی ڕووسیا ئاشکرایکردووە؛ پێشنیارێکی لە ئیتالیاوە پێگەیشتووە بۆ کۆتاییهێنان بە شەڕ لە ئۆکراین، دەستپێشخەریی ئاشتی ئیتالیا پێشنیاری ئەوە دەکات چارەنووسی دۆنباس و کریمیا بۆ ڕێککەوتنێکی دووقۆڵی نێوان مۆسکۆ و کیێڤ جێبهێڵرێت و بە ڕێککەوتنێکی ئاشتییانە کە لایەنە ئەوروپیەکان تێیدا بەشدارن کۆتایی بە جەنگ بێت. سەرچاوە؛ الجزیرة
خەڵك- هاتووچۆی سلێمانی شۆفێران لە داخستنی چەند شەقامێك ئاگادار دەكاتەوە. بەڕێوەبەرایەتی هاتووچۆی سلێمانی ئاگاداری شۆفێران دەكاتەوە، لەئێستادا هەریەك لە شەقامەكانی بەردەم نەخۆشخانەی شۆڕش، بەئاراستەی عەلوە تازەكە، شەقامی تاسڵوجە-سلێمانی سایدی هاتن بەرەو ناوشار دوولاینی بەربەستكراون. بەڕێوەبەرایەتییەكە داوا لەشۆفێران دەكات رێگە لاوەكییەكان بەكاربهێنن.
دەزگای هەواڵگری ئەمریکا CIA لەکاتی جەنگی سارد کە لە نێوان ئەمریکا و یەکیتی سۆڤیەت لە ماوەی ساڵاین ١٩٤٧ تا ١٩٩١ بەردەوام بوو، نوکتەی لەسەر سەرکردەکانی یەکێتی سۆڤیەت درووستدەکرد و بڵاوی دەکردەوە لە نێو خەڵکی ئەو وڵاتەدا وەک هۆکارێک بۆ شکاندنی ورەی خەڵک. ئەمەی خوارەوە کۆمەڵێک لەو نوکتانەیە کە لە دیکۆمێنتەکانی CIA دا ئاشکرا بوون و بڵاوکراونەتەوە: -نوکتەیەک لەسەر نەبوونی خواردن لە مارکێتەکانی یەکێتی سۆڤیەت: پیاوێک چووە دوکانێکەوە، بە دوکاندارەکەی وت “گۆشتتان نییە؟” دوکاندارەکەش وتی “نا ئێمە لێرە هیچ ماسیەکمان نییە، بەڵام دوکاندارەکەی بەرامبەرمان هیچ گۆشتیان نییە” -نوکتەیەک لەسەر نەبوونی ئازادی لە یەکێتی سۆڤیەت پیاوێکی ئەمریکی بە پیاوێکی ڕووسی وت کە ئەمریکا وڵاتێکی تەواو ئازادە، بۆنمونە من دەتوانم بچمە بەردەم کۆشکی سپی و هاوار بکەم “بڕوخێ ڕۆناڵد ڕیگن (سەرۆکی ئەوکاتەی ئەمریکا)، ڕووسیەکەش وتی : جا ئەوە چییە! منیش دەتوانم بچمە گۆڕەپانی سور و لەبەردەم کرملندا بڵێم “”بڕوخێ ڕۆناڵد ڕیگن” -نوکتەیەک لەسەر ڕیزی چاوەڕوانی زۆر لە یەکێتی سۆڤیەت: پیاوێک لە ڕیزی وەرگرتنی خواردنەوە کحولیەکاندا زۆر چاوەڕوان بوو، لە نیوەیدا توڕەبوو وتی “تەواو بێزاربووم، دەچم گۆرباچیڤ دەکوژم (دواین سەرۆکی یەکێتی سۆڤیەت)، پاش دوو کاتژمێر گەڕایەوە و داوای جێگەکەی خۆی دەکردەوە لە ڕیزەکەدا، هاوڕێکانی وتیان “چیت کرد دەستت کەوت؟” ئەویش وتی “نەوەڵا ڕیزەکەی ئەوێ زۆر لە ڕیزەکەی ئێرە درێژتر بوو” -سەگەکانی یەکێتی سۆڤیەت سەگێکی ئەمریکی و سەگێکی پۆڵەندی و سەگێکی سۆڤیەتی بەیەکەوە بوون، سەگە ئەمریکیەیە وتی “گەر لە وڵاتەکەی من زۆر بوەڕێنم، گوێم لێدەگرن و گۆشتم پێدەدەن”، سەگە پۆڵەندیەکە وتی “گۆشت چییە؟، سەگە سۆڤیەتیەکەش وتی “وەڕین چییە”؟ -نوکتە لەسەر کەسایەتی سەرکردەکانیان لە ئاهەنگی دامەزراندنی حزبی شوعی سەرکردەیەک قسەی بۆ ئامادەبوان کرد و وتی” بەڕێزان تەماشاکەن دامەزراندنی پارتەکەمان چەند دەستکەوتی مەزنی هەبووە، بۆنمونە (ماریا) ژنێک بوو کە پێش شۆڕش جگە لە عەزیەک و پێڵاوێک هیچی دیکەی نەبوو، ئێستا شیردەفرۆشێت و بەناوبانگە، یاخود (ئیڤان ئەندریڤ) کەسێکی زۆر هەژار بوو، نە ئەسپی هەبوو نە مەڕ و نە مانگا، بەڵام ئێستا شۆفێری تراکتۆرە و زەوی دەکێڵێت، یاخود تەماشای (ترۆفیم سیمانۆڤیچ ئەلیکسیس) بکەن، کەسێکی زۆر بێزراو سەرخۆش بوو، بەردوام ڕێگری لەخەڵک دەکرد و دزی و جەردەیی دەکرد، هەرشتێک بەردەستی بکەوتایە دەیدزی، بەڵام لە سایەی شۆڕشەوە ئەو ئێستا سکرتێری حزبی شوعییە. ئەم نوکتانە و چەندان نوکتەی دیکە لە لایەن دەزگای هەواڵگری ئەمریکا CIA لە ناو یەکێتی سۆڤیەتدا بڵاودەکرایەوە و ورە و متمانەی خەڵکی پێدەڕوخێندرا و بەردەوام لەلایەن خەڵکەوە لە هەموو کۆڕ و کۆبونەوەکان باسدەکرانەوە.

پەڕلەمانی كوردستان 3 پڕۆژە یاسا دەخاتە دەنگدانەوە

ئومێد سیوەیلی

هەواڵ بڵاوکراوەتەوە: 06/07/2021

خەڵك-
پەڕلەمانی كوردستان ڕۆژی پێنج شەممە كۆدەبێتەوە بۆ دەنگدان لەسەر 3 پڕۆژە یاسا.

پەڕلەمانی كوردستان لە ڕاگەیەنراوێكدا ئاماژەی بەوەكردووە، ڕۆژی پێنج شەممە لە كاتژمێر 1ی پاشنیوەڕۆ كۆبوونەوەی ئاسایی خۆی ئەنجام دەدات.

سەبارەت بە بەرنامەی كاریش ئاماژەی بەوەكردووە، دەنگ دەدات لەسەر پێشنیاز و پڕۆژە یاسای (هەمواری یەکەمی ماف و ئیمتیازاتی کەمئەندام و خاوەن پێداویستی تایبەت، بەرکارکردنی یاسای ڕەسمی پولی عێراق، پڕۆژە یاسای بەرکارکردن و هەمواری یاسای وەبەرهێنانی پیشەسازی هەردوو کەرتی تایبەت و تێکەڵاو).

May be an image of one or more people and text

بابەتی پەیوەندیدار

هەلبژاردە

گرنگترینەکان

كۆبوونەوەی پەڕلەمان لەبارەی مووچەو بودجەوە دەستیپێكرد

28 حوزەیران 2021 11.37 am

خەڵك-تەنیا هەورامی كۆبوونەوەی پەڕلەمانی كوردستان دەستیپێكرد و بەپێی نووسراوێكی دەستەی سەرۆكایەتی پەڕلەمانی…

دەرگای ناوەندەكانی خوێندن لە هەرێم داناخرێنەوە

28 شوبات 2021 7.20 pm

خەڵك- جێگری سەرۆكی لیژنەی پەروەردە و خوێندنی باڵاو توێژینەوەی زانستی لە پەڕلەمانی كوردستان ڕایدەگەیەنێت، ڕاسپاردەی…

فراكسیۆنێك داوای هەڵوەشاندنەوەی لێبڕینی مووچە دەكات

10 نیسان 2021 1.20 pm

خەڵك- ئارام سەردار سەرۆكی فراكسیۆنی ئازادی لە پەڕلەمانی كوردستان داوا دەكات حكومەتی هەرێمی كوردستان مووچەی فەرمانبەرانی…