سەردێر

لە هەولێر هەڵمەتێك بەرپادەكرێت

خەڵك-
پزیشكەكانی هەولێری پایتەختی هەرێمی كوردستان، هەڵمەتێكی نیشتمانی بەرپا دەكەن بۆ هاندانی خێزانەكان لەپێناو زوو خەواندنی مناڵەكانیان لەپێناو پاراستنی تەندروستیان.

لەو بارەیەوە محەمەد حەسەن كە پزیشكی پسپۆڕی منداڵانە، بە میدیاكانی نزیك لە پارتی دیموكراتی كوردستانی ڕاگەیاندووە”لە ڕۆژی چوار شەممەی داهاتوو بە هەوڵی خۆی، لە نەخۆشخانەی ڕاپەڕینی تایبەت بە منداڵان لە هەولێر، سەركردایەتی هەڵمەتەكە دەكات”.

بە وتەی دكتۆر محەمەد حەسەن”هەڵمەتەكە بۆ ماوەی سێ‌ هەفتە بەردەوام دەبێت و چەندان كۆڕ و موحازەرە لەسەر گرنگی خەواندنی منداڵان لە كاتژمێر نۆی ئێوارەوە لە هەموو شەوێكدا و ڕێگرتن لە نەخەوتنیان تا درەنگانی شەو، لەخۆدەگرێت”.

بەپێی توێژینەوە پزیشكییەكان، ئەو منداڵانەی زوو دەخەون، تەندروستی و سەلامەتییان لەوانە باشترە كە درەنگ دەخەون، جەختیش لەسەر پێویستی جێبەجێكردنی ئەو پرەنسیپە دەكرێتەوە لەلایەن خێزانەكان، بەو پێیەی درەنگ خەوتن كاریگەریی نەرێنی لەسەر منداڵ دروست دەكات.