سەردێر

كازمی بەرەو ئەوروپا بەڕێدەكەوێت

خەڵك-
سەرچاوەیەكی حكومی ئاماژە بە گەشتێكی فەرمی مستەفا كازمی دەكات بەرەو ئەوروپا كە چەند وڵاتێك لەخۆدەگرێت.

سەرچاوەیەكی حكومی بە میدیاكانی عیراقی ڕاگەیاند”ئەمڕۆ سێ‌ شەممە، مستەفا كازمی سەرۆك وەزیران، گەشتێك بەرەو ئەوروپا دەستپێدەكات كە ژمارەیەك لە وڵاتە ئەوروپاییەكان لەخۆدەگرێت”.

بە وتەی سەرچاوەكە”لەچەند كاتژمێری داهاتوودا، كازمی دەگاتە برۆكسلی پایتەختی بەلجیكا كە یەكەم وێستگەی گەشتە ئەوروپاییەكەی دەبێت”.

سەرچاوەكە دەڵێت”گەشتەكە چەند وڵاتێك دەگرێتەوە”، ئەمەش لەكاتێكدایە كە لە تشرینی یەكەمی ڕابردوو، كازمی یەكەم گەشتی ئەوروپایی ئەنجامدا و تێیدا سەردانی فەرەنسا و بەریتانیا و ئەڵمانیای كرد.