سەردێر

گەرما دەوامی فەرمی لە پارێزگایەكی عیراقی ڕادەگرێت

خەڵك-
حكومەتی خۆجێی لە پارێزگای بەسرە، ڕاگرتنی دەوامی فەرمی لە پارێزگەكە ڕادەگەیەنێت.

بەپێی بەیاننامەیەك كە ئەمڕۆ سێ‌ شەممە لەلایەن پارێزگای بەسرەوە بڵاوكرایەوە”بڕیاردرا دەوامی فەرمی بۆ ڕۆژی چوار شەممە و پێنج شەممەی داهاتوو ڕابگیرێت”.

هەر لە بڕیارەكەی پارێزگای بەسرەدا هاتووە”بۆ ڕۆژانی دواتر بڕیاردراوە، حكومەتی خۆجێی دەوام كەمبكاتەوە و لە كاتژمێر 8ی بەیانی بۆ 12ی نیوەڕۆ”.

لەم چەند ڕۆژەدا، پلەكانی گەرما لە پارێزگاكانی عیراق بەشێوەیەكی بێ‌ پێشینە ڕوویان لە بەرزبوونەوە كرد، ئەمەش وێڕای زیانگەیاندن بە تەندروستی هاووڵاتیان، بووە مایەی ئاگركەوتنەوە لە ژمارەیەك گەنجینە و عەمبار لە بەغدای پایتەخت و چەند پارێزگەیەكی تری وڵات.