سەردێر

پۆلیسی هەولێر؛ دوو تۆمەتبار دەستگیركران

خەڵك
بەڕێوەبەرایەتی پۆلیسی هەولێر ڕایدەگەیەنێت، دوو كەسیان بەتۆمەتی دزیكردن لەو كۆگایەكی كۆگایەكی كەلوپەلی كارەبایی دەستگیركرد، لە كاتی دەستگیركردنیشیاندا، دەست بەسەر ئۆتۆمبێلێك و چەكێكی جۆری كلاشنكوف و مقەسێكی بڕینی كێبڵ و بڕێك كێبڵدا گرتووە.

بەڕێوەبەرایەتی پۆلیسی هەولێر لە ڕاگەیەنراوێكدا بڵاویكردەوە، بەشی پۆلیسی دەشتی هەولێر، بنكەی پۆلیسی قوشتەپە، كاتژمێر 4:30 بەرەبەیان، لە كۆگایەكی كەلوپەلی كارەبایی لە (عەلیاوە مەردان)، دوو تۆمەتباریان بە ناوەكانی (ی. ع. ع) و (ج. م. م) بە تۆمەتی دزیكردن لەو كۆگایە دەستگیر كرد.

ئاماژە بۆ ئەوەشكراوە، كە تۆمەتبارانی ئاماژەپێكراو، كە یەكێكیان هەوڵی راكردنی دابوو و لەلایەن كەسێك كە لەگەڵ خاوەنی كۆگاكە بووە، تەقەی لێ كراوە و دەستی برینداربووە، لە ئێستادا لە نەخۆشخانەیە و لە ژێر چاودێریی پزیشك و پۆلیسدایە.

ئەوەشخراوەتەڕوو، لە كاتی دەستگیركردنیشیاندا، دەست بەسەر ئۆتۆمبێلێك لە جۆری (كیا – بارهەڵگر) و چەكێكی جۆری كلاشنكوف و مقەسێكی بڕینی كێبڵ و بڕێك كێبڵدا گیرا و لە ئێستادا هەردوو تۆمەتبار، پەڕاوی لێكۆڵینەوەیان بۆ رێكخرا و رێكاری یاساییان بەرامبەر دەگیرێتە بەر.

‎May be an image of ‎یەک کەس یان زیاتر‎‎ھیچ شیکارێکی وێنە بەردەست نیە‎May be an image of ‎ئۆتۆمبێل‎‎ھیچ شیکارێکی وێنە بەردەست نیە