سەردێر

عیراق، لەگەڵ لوبنان یاریی دەكات

خەڵك-
لە چوارچێوەی یارییەكانی گەڕی سێیەمی گروپی سێی كێبڕكێكانی پاڵەوانێتی جامی عەرەب بۆ هەڵبژاردە لاوەكان كە لە میسر بەڕێدەچن، هەڵبژاردەی لاوانی عیراق، لەگەڵ هەڵبژاردەی لوبنان لە یاریگای پترۆ سپۆرت لە كاتژمێر هەشتی ئەم ئێوارەیە یاریی دەكات.

عیماد محەمەد، ڕاهێنەری هەڵبژاردەی لاوانی عیراق، تەئكیدی لەسەر ئامادەیی یاریزانەكانی كردەوە بۆ پێشكەشكردنی یارییەكی باش لەڕووی تەكنیكی و هێنانەدی ئەنجامێكی ئەرێنی، دوای دۆڕاندنی یاریی یەكەم لەگەڵ (جزر القمر).

بە وتەی عیماد محەمەد”لەماوەی دوو ڕۆژی ڕابردوودا كارمان لەسەر ڕاستكردنەوەی هەڵەكانی یەكەم یاریی كرد، جەختمان لەسەر قۆستنەوەی هەلەكانیش كردەوە، دوای ئەوەی لە یەكەم یاریدا بەهۆی كەم ئەزموونی و پەلەكردنی یارزانەكانەوە، هەلێكی زۆرمان لەدەستدا”.

لە كۆتایی قسەكانیدا، ڕاهێنەری هەڵبژاردەی لاوانی عیراق وتی:”پێداگرین لەسەر هێنانەدی گەورەترین سود لەم بەشدارییە كە ئەزمونی پێویست و گونجام بۆ یاریزانەكان فەراهەم دەكات، بەر لە بەشداریی لە پاڵەوانێتی خۆرئاوای ئاسیا و پاڵاوتنەكانی جامی ئاسیای داهاتوو”.

هەڵبژاردەی عیراق لە یەكەم یاریی لە جامی عەرەب، بەرانبەر بە هەڵبژاردەی (جزر القمر) بە ئەنجامی 3-4 گۆڵ بە دۆڕاوی هاتەدەرەوە.

.