سەردێر

كەسوكاری شەهیدان داوای پێشینە و دەرماڵە دەكەن

خەڵك-ئارام سەردار
كۆمەڵەی داكۆكی لەشەهیدان لەیاداشتێكدا، كە ئاڕاستەی سەرۆكایەتی پەڕلەمانی كوردستانیان كردوە، داوای هەمواری یاسای تایبەت بەماف و ئیمتیازی كەسوكاری شەهیدان دەكەن و داواش دەكەن، پێشینەی هاوسەرگیری و دەرماڵەی تایبەت بەخوێندن و هاتووچۆ بۆ كچ و كوڕی شەهیدان بەردەوام بێت.

كۆمەڵەی داكۆكی لەشەهیدان لەیاداشتەكەدا، كە وێنەیەكی دەست بۆ (خەڵك) نێردراوە تێیدا هاتووە، لەبەر ئەوەی ئێوە بڕیاردەر و چاودێرن بەسەر حكومەت داوا كەین ڕەزامەندی بفەرموون بە هەمواری یاسای تایبەت بە شەهیدان و داواش دەكەن، پێشینەی هاوسەرگیری و دەرماڵەی تایبەت بەخوێندن و هاتووچۆ بۆ كچ و كوڕی شەهیدان بەردەوام بێت.

لەخاڵێكی تر داوا دەكەن، ئەو كەسانەی بەهۆی بۆردوومانی ڕژێمی پیشوو شەهید بوون یان ئەو كەسانەی بەهۆی بوردوومانی كوێرانەی وڵاتانی دراوسێ شەهید دەبن دوای لێكۆڵینەوە بەشەهیدی بەرەی سەنگەر هەژمار بكرێن.

كۆتا داوای كۆمەڵەكەش بۆ ئەو پێشمارگانەی كەوا لەكاتی ئەركدان یان بۆ مووچە دەڕۆن بەهۆی ڕووداوی ئۆتۆمبێل یان مار و دووپشك گیان لەدەست دەدەن بەشەهیدی سەنگەر هەژمار بكرێن، چونكە بەفەرمان جوڵێنراون.