سەردێر

مرۆڤایەتیی چاوەڕێی كارەسات دەكات

گۆڕانی كەشوهەوا هەڕەشە لە مرۆڤایەتی دەكات، وشكەساڵيی و برسێتيی و نەمانی ئاو و تێكچوونی رەوشی تەندروستيی لە مەترسییەكانن

خەڵك

رەشنووسی راپۆرتێكی دەستەی دەوڵەتانی پێوەندیدیدار بە رەوشی گۆڕانی كەشوهەوا هۆشداریی دەدەن لە ئەوەی ملیۆنان كەس دەناڵێنن بە دەست وشكەساڵیی و برسێتیی و نەخۆشییەوە لە ماوەی ساڵانی رابردوودا لە چوارچێوەی زیادبوونی كاریگەرییەكانی گۆڕانی كەشوهەوا لەسەر تەندروستیی مرۆڤ.

دوای ساڵێك لە پەتای كۆرۆنا كە لەسەرووی نەهامەتییەكانەوەیە، ئەم رەشنووسە ئامادەكراوە، رووانینێكی كارەساتباری بۆ دەیەكانی داهاتوو هەیە لەگەڵ خراپی خواردن و نەبوونی ئاسایشی ئاو.

ئەو رێكارانەی دەگیردرێنە بەر لەباری سیاسییەوە بریتین لە برەودان بە پاراستنی رووەكیی، دەكرێت ئەمە ببێتە رێگایەك بۆ سنووردانان بۆ كاریگەرییە تەندروستییەكان، بەڵام ناكرێت بە ئاسانی خۆشی لێ لابدرێت لە ماوەیەكی كەمدا بەپێی راپۆرتەكە.

ئەم راپۆرتە ئاماژەی بەزیان و كاریگەرییەكانی كەشوهەواكردووە لە سەر دانەوێڵە و دابەزینی بەهای خۆراكیی كەرەستەكانی خۆراكی و بەرزبوونەوەی نرخ و هەڵاوسان، ئەمە كاریگەریی لەسەر سەدان كەس دروست دەكات.

ئەم راپۆرتە 4 هەزار لاپەڕەیە و لەلایەن 700 توێژەرەوە ئامادەكراوە، باس لە كاریگەرییەكانی گۆڕانی كەشوهەوا دەكات لەسەر هەسارەی زەویی و تەنانەت ئەوانەشی كەلەسەری دەژین، بڕیارە لە ساڵی ئایندە بڵاوبكرێتەوە.

چاوەڕوان دەكرێت 80 ملیۆن كەسی دیكە تا ساڵی 2050 تووشی برسێتیی ببن.