سەردێر

“كازمی دەیەوێت ببێتەوە بە سەرۆك وەزیران”

خەڵك-
حامید موتڵەگ، پەرلەمانتاری پێشوو ڕایدەگەیەنێت، مستەفا كازیمی دەیەوێت بۆ ماوەی دووەم ببێتەوە بە سەرۆك وەزیران، ئەم خواستەشی بە ڕوونی لە گەشتی ئەم دواییەی بۆ پارێزگاكان دەركەوت.

ئەمڕۆ دوو شەممە، موتڵەك لە لێدوانێكی ڕۆژنامەوانیدا ڕایگەیاند”مستەفا كازمی بەپێی جموجۆڵەكانی ئەم دواییە و سەردانەكانی بۆ زۆربەی پارێزگاكان، خواستی هەیە ببێتەوە بە سەرۆك وەزیران، بەڵام لە ڕوانگەی گەلەوە كەسێكی شیاو نییە، بەو هۆیەی داواكارییەكانی شەقامی جێبەجێنەكردووە”.

بە وتەی پەرلەمانتارەكەی خولی پێشووی پەرلەمانی عیراق”كازمی دەستكەوتێكی ڕوون و ڕاشكاوانەی لەماوەی حوكمڕانیدا نەهێناوەتەدی، ئەو داواكاریانەشی جێبەجێنەكرد كە لێوەی گەیشتە دەسەڵات و خۆیان لە لێپێچینەوە لە گەندەڵكاران و ئاشكراكردنی بكوژانی خۆپیشاندەراندا دەبیننەوە”.

لەگەڵ نزیكبوونەوەی وادەی هەڵبژاردن، مستەفا كازمی سەرۆك وەزیرانی عیراق، سەردانەكانی بۆ پارێزگاكانی عیراق چڕكردەوە.