سەردێر

داواكاریی داخستنی هەدەپە پێشكەشی دادگای دەستووریی كرایەوە

خەڵك

داداگای باڵای دەستووریی توركیا داواكاریی داخستنی پارتی دیموكراتی گەلان هەدەپەی وەرگرت كە لەلایەن داواكاریی گشتیی توركیاوە پێشكەشیكراوە.

لە دوای وەرگرتنی داواكارییەكە، لیستی تۆمەتەكان دەنێردرێت بۆ هەدەپە ماوەی دوو مانگی دەبێت بۆ ئەوەی بەرگریی لە خۆی بكات.

داواكارییەكە داوای داخستنی هەدەپە و رێگریی كاری سیاسی لە 451 ئەندامی ئەم حیزبە دەكات بە تۆمەتی پێشێلكردنی دەستوور.

ناوی 69 لە ئەندامانی هەدەپە لە لیستی تۆمەتەكاندایە بە هۆی پشتیوانیكردنیان لە تیرۆر بەپێی داواكاریی گشتیی.

داواكارییەكە، هەدەپەی تۆمەتبار كردووە بە بوونی پێوەندیی بە پەكەكە و هەوڵدان بۆ وێرانكردنی یەكگرتوویی دەوڵەت.

لای خۆیەوە هەدەپە ئەم داواكارییەكە بە سیاسی نێودەبات كە پارتە فەرمانڕەواكانی پارتی دادو گەشەپێدان ئەكەپە و بزووتنەوەی نەتەوەیی بۆ دڵنیاكردنی ئەنجی هەڵبژاردنەكانی داهاتوو هەوڵی داخستنی ئەم حیزبە دەدەن.

ئیردل ئافچی سەرۆكی هەدەپە ئاشكرایكرد ئەم تۆمەتانە لە كۆنگرەی مەهەپە ئامادەكراون، هێندێكیان لەسەر داوای دەوڵەت باخچەلی سەرۆكی حیزبەكە بووە بۆ داخستنی هەدەپە.

دەشڵێت: داخستنی هەدەپە دیاریی ئەكەپە و ئەردۆغانە بۆ باخچەلی كە ماوەیەكی زۆرە داوای داخستنی هەدەپە دەكەن.

ناوبراو بۆ كەناڵی عەرەبییە دەڵێت: لە 31ی ئاداری رابردوو دادگا ئەم داوایەی رەتكردەوە بەهۆی نەبوونی بەڵگە، بەڵام باخچەلی پێداگرە لەسەر داخستنی هەدەپە دووبارە داواكەی ناردەوە بۆ دادگای دەستووریی، ئەمەش تەنها دۆسێ نییە لەسەر هەدەپە دۆسێی كۆبانێش بەردەوامە دژی كادر و ئەندام پەرلەمانەكانی هەدەپە.