سەردێر

ڕەئیسی: ئامادە نیم لەگەڵ سەرۆكی ئەمریكا كۆببمەوە

خەڵك-

سەرۆكی نوێی ئێران ڕایدەگەیەنێت، ئەو لەئەنجامی بەشداریكردنی چڕوپڕی هاووڵاتیان لە هەڵبژاردنەكان هاتووەتە پێشەوە و دۆخەكەش لەبەرژەوەندی ئێرانییەكان دەگۆڕێت و هەوڵ دەدەین بژێوی هاووڵاتیان باشتر بكەین و بە وەفا دەبین بۆ بەڵێنەكانمان.

ئیبراهیم ڕەئیسی سەرۆك كۆماری نوێی ئێران لە میانی پێشكەشكردنی یەكەم وتاری دوای بردنەوەی هەڵبژاردنەكان ڕایگەیاند، بەشداری زۆری خەڵك لە هەڵبژاردنەكان پەیامێكیدایە جیهان سەرەڕای ئەو هەموو پڕوپاگەندەیەی لە دژمان كرا.

وتیشی”دوای دەستبەكاربوونمان باری ئابوری وڵاتەكە چاك دەكەین و بەشداری خەڵك لەهەڵبژاردنەكان دەرخەری خواستی خەڵكە بۆ گۆڕانكاریی لەدۆخی ئابوریدا”.

ئاسكراشیكرد، ئەروپییەكان پابەندی بەڵێنەكانیان نەبوون و بۆ گەڕانەوەی بۆ ڕێكەوتنی ئەتۆمیش دەبوو ئەمریكا پێش هەموو شتێك گەمارۆكانی سەر ئێرانی هەڵگرتایە.

جەختی لەوەش كردەوە، هەموو هەنگاوەكانی ڕابردووم لە پێناو پاراستنی خەڵكدا بووە و ئێستاش ئامادە نیم لەگەڵ سەرۆكی ئەمریكا كۆببمەوە.