سەردێر

مووچەی بەشێكی مامۆستایان لە بانك دەدرێت

خەڵك-
بە بڕیاری وەزارەتی دارایی و ئابووری حكومەتی هەرێم مووچەی مامۆستایانی پەروەردەی ڕانیە لە بانكی (كێوەڕەش) دابەش دەكرێت.

خەندە زریان، لێپرسراوی هۆبەی مووچە لە پەروەردەی ڕانیە ڕایگەیاند، بەپێی نووسراوی وەزارەتی دارایی و ئابووری – بەڕێوەبەرایەتی گشتی ژمێركاری ژمارە ( 7/6/4355 ) لە ڕێكەوتی ( 26/5/2021) ئاگاداری بەڕێوەبەری سەرجەم ناوەندەكانی خوێندن دەكەین، كە بۆ وەرگرتنی مووچەكانیان لەمەودوا مووچەكانیان لە (بانكی كێوەڕەش) وەردەگرن نەك بانكی (ڕانیە).

پەروەردەی ڕانیە لە ڕاگەیەنراوێكدا ئاماژەی بەوەشكردووە، پێویستە ناوەندەكانی خوێندن سەردانی هۆبەی كارگێڕی بكەن بە مەبەستی وەرگرتنەوەی ناسنامەی وەزارەتی پەروەردە و لە بەرامبەردا بڕی تەنها 500 دینار بۆ هەر ناسنامەیەك وەردەگیرێت.

ڕوونیشی كردۆتەوە، خوێندنگە ئامادەییەکان ڕۆژی یەک شەممە 20ی حوزەیران و قوتابخانە بنەڕەتییەکان ڕۆژی دوو شەممە و باخچەکانی منداڵان ڕۆژی سێ شەممە سەردان بكەن.