سەردێر

چەمچەماڵ ..دوو پێشنیار بۆ چارەسەری كێشەی كەمئاوی دەكرێت

خەڵك
دوو پێشنیار بۆ چارەسەری كێشەی ئاوی چەمچەماڵ لە لایەن وەزارەتی شارەوانییەوە ئاراستەی ئەنجوومەنی وەزیران دەكرێت.

وەزارەتی شارەوانی و گەشتوگوزاری حكومەتی هەرێمی كوردستان لە نووسراوێكدا كە ئاراستەی ئەنجوومەنی وەزیران كراوە، پێشنیاری كردووە بە تەرخانكردنی زیاتر لە 7 ملیار و 681 ملیۆن و 425 هەزار دینار بۆ هەڵكەندنی ژمارەیەك بیری ئیتیوازی لە ناوچەی كانی شەیتان و بەستنەوەی بەهێڵی ئاوی چەمچەماڵەوە.

لە نوسراوەكەدا ئەوەش هاتووە، وەزارەتی شارەوانی وەك چارەسەری بنەڕەتی كێشەی ئاوی چەمچەماڵ پێشنیاری جێبەجێكردنی پرۆژەی ئاوی گۆپتەپە – چەمچەماڵ دەكات، بە گوژمەی ٢٠٠ ملیار دینار.

ساڵانە لە وەرزی هاویندا كێشەی كەمئاوی لە شار و شارۆچكەكانی هەرێمی كوردستان دروست دەبێت و ئەمساڵیش بەهۆی وشكەساڵییەوە زۆرێك لە ناوچەكان رووبەڕووی ئەو كێشەیە بوونەتەوە.