سەردێر

قوربانیانی هێرشە مووشەكییەكەی عەفرین روو لە بەرزبوونەوەیە

لە هێرشەكەدا 19 كەس كوژران و 35ی دیكەش بریندار بوون

خەڵك

ژمارەی قوربانیانی هێرشە مووشەكییەكەی سەر شاری عەفرین روو لە بەرزبوونەوەیە و هێزە كوردییەكانیش تۆمەتی گرووپە چەكدارە ئیسلامییەكان رەتدەكەنەوە كە ئەوان لە پشت هێرشەكەوە بن.

بەپێی زانیارییەكان هێرشی مووشەكی كراوەتەسەر نەخۆشخانەی عەفرین لەوێ 19 كەس كوژران و 35ی دیكە بریندار بوون، لەنێویاندا پزیشكان و كارمەندانی تەندروستی هەن.

لای خۆیەوە هێزەكانی سوریای دیموكرات رەتیكردەوە لە پشت هێرشە مووشەكییەكەی سەر عەفرینەوە بێت و نیگەرانی خۆشی دەربڕی لە بوونە قوربانی هاووڵاتیان.

بەرپرسێكی هەسەدە دەڵێت: كردنە ئامانجی نەخۆشخانەی عەفرین پێشێلكردنی یاسای نێونەتەوەییە.

لای خۆیەوە ئاژانسی دەنگوباسی سانای فەڕمیی حكومەتی سووریا دەڵێت: هێرشە مووشەكییەكە ئەنجامی شەڕ و پێكدادانی نێوان هێزە كوردییەكان و گرووپە چەكدارە ئیسلامییەكانی ئۆپۆزسیۆن بووە.

بەپێی لێدوانی رووانگەی سووریاش بۆ مافەكانی مرۆڤ شوێنی هاتنی مووشەكەكان لە ناوچەی بن دەستی هێزە كوردییەكان و هێزەكانی حكومەت بووە لە باكوری حەلەب.

لای خۆشیەوە وەزارەتی دەرەوەی توركیا یەپەگەی بە ئەنجامدانی ئەم هێرشە مووشەكییە تۆمەتبار كرد.