سەردێر

وەزیری تەندروستی لە بارەی كۆلێرا وە ڕوونكردنەوە دەدات

خەڵك
وەزیری تەندروستی حكومەتی هەرێمی كوردستان ڕایگەیاند، هاوشێوەی وڵاتانی پێشكەوتوو كۆمەڵێك ڕێكاری نوێ‌ بۆ ڕووبەڕووبونەوەی كۆرۆنا دەگیرێتبەر، وتیشی تائێستا كۆلێرا لەهەرێم تۆمار نەكراوە.

سامان بەرزنجی، وەزیری تەندروستی حكومەتی هەرێمی كوردستان لە كۆنگرەیەكی ڕۆژنامەوانیدا لە سلێمانی ڕایگەیاند، كۆمەڵێك ڕێكاری پێویست هەیە بۆ ڕووبەڕووبوونەوەی كۆرۆنا ڕەنگە بڕیاری لێبدرێت هاوشێوەی وڵاتان بەهۆی ئەوەی لە سەرەتای ئەم مانگەوە هەندێك مەرج دانراوە ئێمەش لە هەرێمی كوردستان لەگەڵ كونسوڵگەری وڵاتی فەڕەنسا لەسەر هێڵین و داوای لێكردووین بچینە نێو سیستمی جیهانی بە دانانی ئەو كۆدەی بۆ ڤاكسینەو لە وەرگرتنی ڤیزا و سەفەركردندا بەكار دێت.

وتیشی، نەخۆشی سكچوون جۆری زۆرەو یەكێكیان نیشانەی كۆلێرایە، ئەو پشكنینانەی لە هەرێم كراون هیچیان كۆرۆنا نەبوون و جێگەی مەترسی نین ،بەڵام ئەمە ئەوە ناگەیەنێت هاووڵاتیان خۆ پارێزی نەكەن و ئاگاداری خۆیان نەبن بەتایبەت دەبێت زۆر ئاگاداری منداڵان بن و خۆیان بپارێزن لە خواردنی پیس و ئاوی پیس.
باسیلەوەشكرد، نەخۆشی كەڕووی ڕەش نەخۆشیەكی نەگوازرایەو ناڕاستەوخۆ بەهۆی ژینگەی پیسەوە دروست دەبێت.

ئاماژەی بەوەشكرد، هیچ كەسێك كێشەی لەگەڵ وەرگرتنی ڤاكسین نەبووە تەنها یەك حاڵەت هەبووە لە سلێمانی كە لە ئَستادا دۆخی نەخۆشەكە بەرەو باش بوون ڕۆشتووە.

سەبارەت بەو هەواڵانەی باس لە بوونی گەندەڵی دەكەن لە نێو تەندروستی هەڵەبجە وەزیری تەندروستی وتیڤن لیژنەی تایبەتمەندمان بۆ ئەو بابەتە پێكهێناوەو بەدواداچوون دەكەن هەركەسێك دەستی هەبێت لە گەندەڵیدا ڕێكاری یاسایی بەرامبەر دەكرێت و سزا دەدرێت
وتیشی، ژمارەی تێستكردن لە هەرێمی كوردستاندا لە ستانداری جیهانی زیاترەو تێستكردن بنەمای دەستنیشانكردنی نەخۆشییەكانە بۆیە سوپاسی هاووڵاتیان دەكەین.