سەردێر

لە هەولێر 30 هەزار ماسی مردار بوونەوە

خەڵك-ئارام سەردار
پڕۆژەیەكی ماسی لە هەولێر بەهۆی مرداربوونی ماسیەكانی زیاتر لە ١٠٠ ملیۆن دینار زیانی پیدەگات.

نێچیروان سەباح، خاوەنی پڕۆژەی ماسی بە(خەڵك)ی ڕاگەیاند، پڕۆژەكەیان ٦ حەوزی گەورەی بەخێوكردنی ماسیە، دەكەوێتە گوندی شاخۆران لەشارۆچكەی بەحركە شەوی ڕابردوو تادرەنگ بەدیار حەوزەكەوە بوون هیچ كێشەیەك نەبووە، بەڵام بەیانی ئەمڕۆ كاتێك دەچن ماسیەكان سەرئاو كەوتوون و مرداربوونەتەوە.

دەشڵێت، “نزیكەی ٣٠ هەزار ماسی دەبێت و خەرجی پێگەیاندنیان نزیكەی ١٠٠ ملیۆن دینار دەبێت، دەبوایە ١٥ ڕۆژی تر بیخەنە بازاڕ و بیفرۆشن، كەبەپێی نرخی ئێستا ئەو ماسیانە بایی ١٥٠ ملیۆن دینار بووە”.

ئەوەش دەخاتەڕوو. تائێستا نازانن ئایا ماسیەكان ژەهرخواردكراون یان نا، چونكە هیچ هۆكارێك نیە بەم شێوەیە تەواوی ماسیەكان لەناوبچن، تائێستاش ڤێتەرنەری نەهاتووە بۆ ئەوەی پشكنین و لێكۆڵینەوە لەهۆكاری لەناوچوونی ماسیەكان بكات.

No description available.No description available.