سەردێر

ڕۆژهەڵاتی كوردستان؛ لەماوەی هەفتەیەكدا 4 كرێكاری كورد بەهۆی ڕووداوی كارەوە گیانیان لە دەست داوە

خەڵك
ڕێكخراوی مافی مرۆڤی هەنگاو ڕایدەگەیەنێت ، كرێكارێكی خەڵكی مەریوان بە هۆی ڕووداوی كارەوە گیانی لە دەست دا و بەمەش لە ماوەی هەفتەیەكدا چوار كرێكاری كورد بە هۆی ڕووداوی كارەوە گیانیان لە دەست داوە.

ڕێكخراوی مافی مرۆڤی هەنگاو بڵاویكردەوە، كرێكارێكی خەڵكی مەریوان بە ناوی “یەحیا محەمەدی خانەقا” لە كاتی كاركردن لە بینایەكی نیوەكارە لەگەڕەكی مەیدانی مەریوان، بە هۆی بەربوونەوە لە بەرزایی گیانی لە دەست دا.

ئاماژە بۆ ئەوەشكراوە، كە لە ماوەی هەفتەی ڕابردوودا چوار كرێكار لە شارەكانی مەریوان، كرماشان، سەقز و سەردەشت لەكاتی كار كردن و بە هۆی ڕووداوی كارەوە گیانیان لە دەست داوە.